街坊會將會喺4月15日（星期六）舉辦春季大旅行又名BC探古之旅！到時會帶領大家離開大溫哥華地區，參觀Stave Falls嘅舊水力發電廠同Fort Langley Heritage Site，去尋找本省昔日歷史的足跡。我哋將乘坐專屬嘅旅遊巴，大家無需自己揸車或搭巴士咁費時傷神，絕對適合一家大細一齊參與。大家如果喺BC探古之旅報名期間先行加入街坊會會員，呢次活動就立即有減$5嘅優惠。如果喺**早鳥期間（4月5日正午12點前）**成為會員兼報名，更加可享有一家大細 （最多2位大人）每人$10嘅優惠！