温哥華街坊會

#行山

Viewing all posts tagged with 行山
街坊會4月遠足活動 Hiking with VKA April

街坊會4月遠足活動 Hiking with VKA April

pretix ·

👇👇👇👇👇 按此購票 大地回春，又係開始行山既好季節。街坊會今次帶大家輕輕鬆鬆去行下冇米但一定有水既RICE LAKE。面對湖光山色，你冇理由唔唻既😁 a. 簡介及路線: 由起點 Rice Lake Gate Washroom 出發，沿 Seymour Valley Trailway 去 Rice Lake Wharf。環湖欣賞風景後，我哋會沿河行Lynn Headwaters Connector 接 Lynn Valley Rd再折返起點。 路線參考 ⌚ 需時: 2 - 2.5小時 📏 路線長度: ~7.3km (海拔累增高度: 150m) 📶 難度：初級 / 中等 (beginner / Intermediate) (⏏️中途退出點： 可環湖後自行離開。) 🥾 Rice Lake Gate Washroom 公共洗手間出面 → Seymour Valley Trailway → Rice Lake → Rice Loop Trail → Lynn Headwaters Connector → Lynn Valley Rd → Baden Powell Trail → Twin Bridges Trail → Rice Lake Gate Washroom

閱讀更多 Read More →
街坊會3月遠足活動 Hiking with VKA March

街坊會3月遠足活動 Hiking with VKA March

pretix ·

👇👇👇👇👇 按此購票 有邊嚿石咁巴閉，可以欣賞到 Burrard Inlet、Indian Arm 同埋 Belcarra 周圍山脈的美景？咪就係喺深灣 (Deep Cove) 嘅 Quarry Rock 囉！ 為咗避開人潮，我哋決定唔等天氣回暖，早啲搞今次活動！期待到時見到大家！因為嚿石唔係太大，我哋今次要限制人數為20位，而會員可以優先報名。 另外，當日係夏令時間實施第一日，大家較鬧鐘時記得較早一個鐘呀！記得準時到！ a. 簡介及路線: 由 Panorama Park 出發，沿 Baden-Powell Trail 去 Quarry Rock。欣賞完風景後，我哋會沿路回 Panorama Park。 有興趣嘅話，我哋之後可以喺 Gallant Avenue 嘅食肆搵嘢食，嗰度有間出名嘅 donut / bakery 店同埋 pizza 舖都唔錯㗎。 路線參考1 路線參考2 ⌚ 需時: 1.5 - 2小時 (未計食晏時間) 📏 路線長度: ~3.9km (海拔增高度: 100m) 📶 難度：初級 / 中等 (beginner / Intermediate) (⏏️中途退出點： 我們是沿路回程，所以可隨時回程。若中途退出就不會到達 Quarry Rock，睇唔到 Burrard Inlet / Indian Arm / Belcarra，不過沿途風景都唔錯 。) 🥾 Panorama Park 公共洗手間出面 → Baden-Powell Trail → Quarry Rock → Baden-Powell Trail → Panorama Park → Gallant Avenue 食晏

閱讀更多 Read More →
街坊會11月遠足活動 Hiking with VKA Nov

街坊會11月遠足活動 Hiking with VKA Nov

pretix ·

👇👇👇👇👇 按此購票 一般人講起Stanley Park 就會諗到佢嘅 seawall ，但係其實 Stanley Park 裏面有好多 trails 。 今次就帶大家行吓裏面D trails啦! 我哋仲會喺唔同嘅位置欣賞到條 Lions Gate Bridge添! a. 簡介及路線: 由 Stanley Park #19 巴士總站出發，經 Rose Garden 去 Beaver Lake，再往 Prospect Point 去 ，接著我哋經 Hollow Tree同很多巨大的古老樹木 就去到 Lost Lagoon ， 再經 Stanley Park Nature House，最後到終點 Banana Leaf Restaurant (1179 Robson Street) 食晏 (Optional自費項目) *Banana Leaf Restaurant食晏需自費 (我哋人數多， 餐廳會收22%小費) 路線參考1 路線參考2 ⌚ 需時: 2.5 - 3小時 (未計食晏時間) 📏 路線長度: 6 - 7km (海拔增高度: 60m) 📶 難度：初級 / 中等 (beginner / Intermediate) (⏏️中途退出點：如果要搭巴士或去停車場取車，根據你在路線的位置，可隨時回程，又或者完成路線可能會更好) 🥾 #19 Bus Stop → Pass Rose Garden → South Creek Trail → right turn to Beaver Lake Trail → round Beaver Lake → North Creek Trail → Stanley Park Drive – overpass → Prospect Point → Lunch Break → Prospect Trail → Rawlings Trail → Hollow Tree → Tatlow Walk → Lost Lagoon → Stanley Park Nature House (if no lunch) → Lunch at Banana Leaf Restaurant (1779 Robson Street)

閱讀更多 Read More →
溫哥華行山點玩好

溫哥華行山點玩好

vankaifong · Edkin 遊子歸加 回流加拿大的日常事 ·

係香港人群組裡面有新朋友講起行山。北美咁大地方，講到山野景致，同洛基山脈接壤嘅州份同省份真係得天獨厚。成個BC地方超大超靚，唯一嘅問題係唔夠錢唔夠時間唔夠體力，唔係淨係BC省都玩唔完。 由於BC可以去嘅地方實在太豐富，自己見識都唔算特別廣闊，我就只係集中講下係大溫地區一日之內行得完嘅短線路程可以點去。以下面所講既估計時間，喺用慢腳，比較保守嘅時間估計。實際時間最好自己調查一下距離同爬升，再根據自己過往經驗作為調整。 最簡單方便經濟實惠，一開始一定係北溫。而且因為有Cypress, Grouse同埋Seymour 三大滑雪場加持，好多靚山由停車場出發都可以偷雞行少一大截。例如由Seymour Parking出發，一條幾乎平路行去Dog Mountain喺輕鬆之選。再唔係行去Mt. Seymour 既First and Second Peak 都係5，6個鐘頭來回。 Grouse 主要係上Goat 同Crown Mountain，雖然水平距離只有三幾公里，但係難度不小。由山頂纜車站出發八小時來回都好正常。路線比較濕滑同有泥濘，建議等雨水比較少，路面乾爽時候更加適合。 Cypress選擇就更加多。Eagle Bluff相對比較容易去，但係即使往北走，去到打卡聖地St. Marks Sunmit亦都只係三，四個小時來回。Cypress係Howe Sound Trail起點，如果一直行，去到Lions同Brunswick都可以。但係呢兩個山難度都唔少，體力不足嘅就絕對唔建議，而且如果只係一日行程，就只係夠時間攻克一個山頂，都係逐個去啦。 另一個更加由容易到最困難都有得玩嘅路線就係Lynn Valley。由Lynn Valley Road入，往南走就係Rice Lake同埋本地人先去，唔使收錢嘅吊橋。山谷嘅景致非常漂亮，而且盛夏嘅時候河谷嘅水亦都唔會太凍，好多人去玩水。其中一個支線就係上Lynn Peak。路線唔長但係爬升非常厲害。可以想像係特別進階版嘅Grouse Grind。一般人來回之後都會腳軟。 直接北上，七公里距離就係Norvan Fall。一個非常漂亮而且可以走到瀑布底下既路線。雖然唔算難，但係距離相對長，小朋友未必有足夠體力完成全程。係Norvan Fall旁邊，就係上去魔王級既Coliseum Mountain。Coliseum 其實同Lions及Brunswick差唔多難度，問題就係加上Norvan Fall呢一段十幾公里來回，就唔喺咁多人做得到。年年都有人要人救落山，所以要準備充分先至好試。 其實都未講完，不過我諗分開下一集先至講其他更加容易同適合一家人去嘅路線。但係一定要同大家講，行山一定要有所準備。以上介紹嘅路線全部都係本地非常熱門，基本上一定會遇到行同一條路線嘅山友。有事坐定唔好亂咁走，總會有人幫到你。畢竟BC山體比香港大得多，搜救好需要時間，而且亦都要對野生動物有所防範，所以有關準備我諗又係要另外開一節出來講。 以上路線，有車既話係相當容易去。比起其他省份，一個鐘頭都唔駛嘅駕駛距離已經可以去咁靚既山其實係難以想像。不過有好多新嚟嘅朋友未有車，咁就比較棘手。當然如果呢個群組入邊有朋友去，跟車一齊上係唔錯，不過要夾啱又唔喺咁容易。大家可以試下加入一啲本地行山群組，周不時都會有好心嘅朋友，橫豎出車重有兩個位，就會問有冇人想跟埋去。通常參加嘅人都係自己冇車，咁就可以約喺溫哥華某啲地鐵站外面等，好多時都係比返十幾廿蚊油錢當做謝禮就可以。 不過，同陌生人同一架車上山係有一定風險，所以要自己研究下嗰個信唔信得過，如果出到黎變成喺孤男寡女當然就可免則免。另外可以用car sharing，偶然一日用下車嘅朋友係一個好選擇。 BC Hiking and Adventure Group https://www.facebook.com/groups/808903849314933/?ref=share 希望哩個群組多啲人搞行山會，可以帶到多啲朋友去睇享受一下Beautiful British Columbia。

閱讀更多 Read More →