[本文是小編舊年所寫，今年再加多少少資料]

如果大家有留意的話，3月下旬白色的染井吉野櫻花開花落到長出綠葉的兩三個星期之後，好像失去了色彩一樣，不過不要緊，4月中後段迎來另一個稍遲開的櫻花關山櫻，其一簇簇粉紅的花群，遍佈整棵樹，非常搶眼奪目。(小編按：2023年3、4月依然非常寒冷及多雨，所以所有櫻花都推遲了，而關山櫻也終於在4月尾綻放）

關山櫻樣子跟3月常見的白色的染井吉野櫻花完全不同，特徵係呈深粉紅及淺粉紅，每朵花起碼有二十多片花瓣，一群內起碼有5 朵花，而且不像染井吉野那般花瓣一搖一大雨就落下，比較耐看。櫻樹普遍較大，如果在內街兩旁種植的話，就可以形成一個很壯觀的櫻花隧道。

趁著這幾天天氣尚好，小編介紹一下我所知的關山櫻熱點等各位街坊可以捉緊賞櫻的尾班車。

串連 Dumfries Street 夾 28 至 32nd Ave 三條街在路旁的關山櫻，整條街都被一簇簇的櫻花覆蓋著，如同一條櫻花隧道般，非常誇張。最有趣是，如果你由33rd Avenue 行入去，在迴旋處那裡向北望，你會覺得整條前路都被櫻花包圍住，因為去到約30th Avenue 條路會走向下坡，所以你就見到再前面的樹頂的櫻花。沒有車的街坊只需坐33 號巴士到 Knight 街 Kensington Park 下車行幾步就到。

在 Main 街大約由 59th Ave 開始至大約 63rd Ave，每隔一邊都有關山櫻的蹤跡。內街比較闊所以比較沒有 Dumfries 那邊遮天閉日的景象，但一樣是非常壯觀。由於種植的方向是東西方向，所以日落時份向太陽方向拍攝會有很漂亮的光影效果。沒有車的街坊可以很方便坐3 號巴士就去到。

二月五號我哋帶住廿零位街坊一齊去咗 Mount Seymour 玩 #Snowshoeing，好多街坊都係第一次上山玩 #雪鞋，多謝經驗豐富嘅 Winnie 姐姐帶隊，天公造美，場地有雪但係揸車上去無乜難度，一行人順利準時到埗，攞齊雪鞋簡單講解咗路線就開始沿住路徑行走嘞。

雖然有唔少人係初次行雪鞋，但大家都愈行愈起勁，甚至臨時話想行遠少少添！行咗成個零兩個鐘返到起點，大家去咗餐廳醫肚。嘢食就又貴又普普通通啦，不過大家都好需要補充能量。傾下傾下竟然搞到下晝三點幾，半日嘅活動變咗大半日，睇到街坊都好盡興，小編希望下年冬天街坊會可以舉辦更多同雪有關運動啦！

最近大家都在新聞中見到加拿大 NEXUS 的 Enrollment Center 關閉3 年後重新開放，但其實大家知不知道 NEXUS 是甚麼東西？取了NEXUS又有甚麼好處？小編同住在加拿大一段時間的朋友傾開，其實都唔係好多人知道或取得 NEXUS，所以都想講解一下。

來了溫哥華一段時間的街坊相信都有機會去美國，尤其我們大溫哥華任何地方去邊境都最多只要 1 小時左右，只需再多 2 小時左右車程的西雅圖或波特蘭都是熱門的短遊地點。又或者，走一轉 Bellingham 入油及購買日用品都可能會比在加拿大便宜及有更多選擇。

不過大家可能會知道如果經陸路關口如在White Rock 附近的 Peace Arch 過美國的話，排隊過關係非常困擾，就算你早至 9 時左右到這裡，過關亦可能要近一小時，小編自己亦曾呆坐車中等了差不多兩小時才過到關，如果你拎住 US Visa 就可能要更耐。

因此，美國政府同友好國家推出了一系列 Trusted Travelers Programs（TTP)，如 NEXUS 就是針對加拿大公民及永久居民快速出入美加的方案。透過「預先批核」低風險的旅遊人士，使他們能夠在邊境不用核查護照就可以進出美加，幾近完全不用排隊。

街坊會將會喺4月15日（星期六）舉辦春季大旅行又名BC探古之旅！到時會帶領大家離開大溫哥華地區，參觀Stave Falls嘅舊水力發電廠同Fort Langley Heritage Site，去尋找本省昔日歷史的足跡。我哋將乘坐專屬嘅旅遊巴，大家無需自己揸車或搭巴士咁費時傷神，絕對適合一家大細一齊參與。大家如果喺BC探古之旅報名期間先行加入街坊會會員，呢次活動就立即有減$5嘅優惠。如果喺**早鳥期間（4月5日正午12點前）**成為會員兼報名，更加可享有一家大細 （最多2位大人）每人$10嘅優惠！

感謝各位街坊身體力行，冒住風雪參加喺溫哥華市中心東部舉行嘅 “the Coldest Night of the Year” 活動 @cnoyorg @dtesdirvancouver 並捐助俾受惠機構 @firstuniteddtes 好希望藉今次機會俾大家了解吓唐人街、城東、以及 First United 喺社區做緊嘅工作，希望移民到呢度嘅香港人可以為本地社區出一分力。

Great job, fellow Hong Kong-Canadians! Thank you for joining us in the #cnoy23 walk. As the #VKA team captain, I am thrilled to have initiated a dialogue among our “Kaifongs” (neighbors in Cantonese) about important issues like #chinatownvancouver, #dtes, and #firstunited.

I look forward to continuing this conversation with all parties involved and working together to make a positive impact in our community.

《毒舌大狀》的首映於1月19日順利舉行！

再次多謝以下商戶贊助今次嘅首映禮：

• CannyYoga CannyYoga
• Wealth First Financial Hayman Tam 溫哥華理財顧問 – Wealth First Financial
• APC亞洲保安台 亞洲保安台 APC Security Alarms & Monitoring
• City Core Express/City Core Messenger City-Core Express 城市國際快遞City Core Messenger Services
• OSIM OSIM Canada
• 糖百府 Snackshot 糖百府
• 逍遙遊 Twins Service
• 飲湯思源 飲湯思源
• Sherry Kang 加拿大移民顧問 青橙加拿大移民 Greenlimes Immigration Consulting

報名留位必須經過 EventBrite： https://vkaenglishconvo.eventbrite.ca/

各位想改進英文嘅街坊機會黎啦！今年街坊會再次組織英文流利嘅街坊畀一個輕鬆英語交流嘅機會。（以下開始全英文）

• Want to improve your English speaking skills but have nobody to practice with?
• Afraid of conversing in English because you are shy or worried about how other people might see you?
• Always concerned about grammar or vocabulary and therefore, not confident in making English conversations?

Then you need to come join us at “English Conversation Face-to-Face”! “English Conversation Face-to-Face” is a no-judging, no-teaching session where you have plenty of opportunities to speak in English via playing games in small groups. You get to meet other like-minded people wanting to improve their English conversation skills. All levels of English speaking skills are welcome.

上次報稅Q&A反應非常熱烈，徇眾要求我哋再次請黎註冊會計師 Yuki Wong 交流！

日期: 3月13日(星期一)
時間: 7:00pm
平台: Discord直播

鳴謝：Yuki Wong , CPA @ Kingsmen Consulting CPA Professional Corp (Personal, Corporate, Estate, and International Tax Specialist)

小編早兩日去咗間幾特別的餐廳，特別嘅唔係食物或裝潢，而係佢係一間教學的餐廳，講緊嘅係Vancouver Community College 嘅 JJ’s Restaurant。

每星期二、三及四晚上 6:30 都有 fine dining setting 嘅 Chef’s Table，食物的預備、煮調、擺盤、服務全都是學員一腳踢合力完成，導師在場指導。唔好以為佢地係學員就揸流攤，食品同服務都有板有眼，當然同真正的 fine dining experience 有段距離，但作為學員來講，所有野都合格有餘。

$55 有五道菜，菜式係餐廳自己設計（即係 Omakase 啦），每次都不盡相同，而每道菜都非常精緻，可以睇得出佢地都幾花心思去設計。

今晚的第一道係粉狀的 Foie Gras 配 peach puree，食起來口感很特別的鵝肝，起碼我真係未試過這樣子的鵝肝。

第二道係將煙三文魚用很薄的帶子捲住，配上羅勒醬汁，很醒神的一道前菜。

第三道係鹿肉配上有牛尾精華的tart，鹿肉很嫩滑，慢煮的程度很適中，不過那個 tart 仲好，味道很豐富，其實我都估唔到到底裡面有甚麼，只知道係燉牛尾的精華。

第四道係羊二食，中間係羊肩肉，右面係用煙肉捲住羊肉再煎，兩種不同味道，很有趣。左面係疊起的白蘿蔔，唔知係咪吸收了醬汁所以味道濃郁。

最後的甜品係 Tiramisu 加 咖啡雪糕，兩件都係餐廳自家製作的，Tiramise 做得唔錯，可惜雪糕比較平淡。

雖然作為 fine dining 佢同真 fine dining 都仲有一段距離，但以 $55 來講唔算貴，而且當係俾實際工作經驗同鼓勵學員係值得支持，話唔埋你以後會見到佢地出來會獨當一面也不定呢。

留意你可以俾小費，小費係會俾番學校作支援 VCC Foundation fund。如果未能安排晚餐的話，JJ’s Restaurant 都有午餐，$35 三道菜，亦是由學員合力營運的。

昨日（2月7日） BC 省政府宣布今年9月30日的 National Day for Truth and Reconciliation（真相及和解日）為正式的假期。真相及和解日在2013 年設立，用以悼念印第安人（原住民）寄宿學校遇難的學生。在2021年，因為在Kamloops 市及其他地方陸續發現這些寄宿學校的宿生的無名墓地，聯邦政府就在同年將這日定為聯邦法定假期。這日又叫橙衣日，出處係來自 Phyllis Jack Webstad 這位原住民作家，她在書中寫到她入寄宿學校第一日，學校就沒收了她的衣服，包括她祖母送的橙色襯衫，而之後就沒有歸還。因此，橙色襯衫成了寄宿學校強迫同化原住民兒童的標誌。所以在這天，請盡量穿著橙色衫以表悼念。

不過小編唔係想講這個假期，而係點解聯邦政府在兩年前已定了假期，但本省又再做一次？

對新來的街坊來講，加拿大的公眾假期(statutory holiday) 係好奇怪的。大節日如聖誕新年國慶這些，當然好明顯會放，但復活節後的星期一就沒有假放。又如一些假期好像家庭日 (2月）或 卑斯日（8月）又不是全國的假期。又如上面所講的真相及和解日，你會發現有些人放假有些人又沒有，那究竟是甚麼一回事？

原來加拿大的公眾假期係分聯邦政府的頒佈的假期及省政府頒佈的假期，而你要跟隨的所謂公眾假期，其實係因你所在的省份同行業而定。真真正正全國上下都會放假的公眾假期就只有5 日：

• 新年（1月1日）
• 耶穌受難日（春分月圓之後第一個星期日是復活節，之前的星期五）
• 國慶（7月1日）
• 勞動節（9月第一個星期一）
• 聖誕節（12月25日）

而餘下的假期，如果你係 聯邦政府管轄的行業僱員 （federally regulated industries) ，咁你可以放的公眾假期就係下面（可以參考番稅局網頁）：

• 維多利亞日（5月25日之前的星期一）
• 真相及和解日（9月30日）
• 感恩節（10月第二個星期一）
• 和平記念日（11月11日）
• 拆禮物日（12月26日）

[註] 復活節後的星期一及公民日（8 月第一個星期一）並不包括在聯邦政府管轄的行業 Canada Labour Code 中，但聯邦政府提供的服務辦事處通常都會放。

聯邦政府管轄的行業包括所有聯邦政府提供的服務，以及銀行、機場、鐵路、廣播等提供基本服務的行業。其餘私人機構就由省政府去立法決定那些日子是正式公眾假期。所以，你就會有一個印象係有些假是某些人有得放，有些假就全部人都放的奇特現象。

咁因為街坊會是身在卑斯省，所以以下的假期就是我們必定會放的假期（即是名正言順番工有補水、放假有當日正常人工），參考呢度：

• 新年（1月1日）
• 家庭日（2月第三個星期一，留意這日不是聯邦的假期）
• 耶穌受難日
• 維多利亞日（5月25日之前的星期一）
• 國慶 （7月1日）
• 卑斯日（8 月第一個星期一，同公民日同一日）
• 勞動節（9 月第一個星期一）
• 真相及和解日 （9 月30 日）
• 感恩節（10月第二個星期一）
• 和平記念日（11月11日）
• 聖誕節（12月25日）

要留意其他省份係有機會唔同的，所以你應該參考番該省政府的資料。係咪終於都明白幾時放假，幾時唔放未呢？