港．哥華 Hongcouver｜給香港人的禮物——以食物團結港人「坐低食餐飯先啦」
vankaifong
轉載自追新聞【港．哥華 Hongcouver｜給香港人的禮物——以食物團結港人「坐低食餐飯先啦」】
Jack Poon可不是列治文的新移民。在此生活廿年，他心中的願望是能為香港移民開拓一個可以分享大家共同語言，即係「食嘢」的空間。
2020年，「港點煮852 Kitchen」在溫哥華開業，然後在加拿大國慶日（也是七月一日），在列治文開設分店。而852正正是香港的國際電話區號。
訪問當日，職員忙於在「幫緊你幫緊你」的紅色小巴車頭路線牌前，向客人派出原本在農曆新年才會有的笑口棗。
「食物係最好嘅方法，可以令充滿分歧的香港人可以坐低一齊，開開心心傾下偈，食個飯……」Jack說到熱淚盈眶：「至少大家食飯時唔好再拗。」
以食物去團結離散者，「我哋都可以借飲食文化去宣傳香港！」Jack道。「呢間鋪係我畀香港人嘅禮物。我希望喺列治文嘅人都會鍾意香港，更會認識到真正嘅香港係乜。」
走一條新的路
《國安法》生效後移民潮再現，港式茶餐廳亦在列治文再次冒起。Jack坦言無謂重覆，嘗試走新的方向，售賣急凍點心、預煮港式飯餸，以至小顧客Gerald Tat最愛的菠蘿包、叉燒包都有。
Gerald今日是跟媽媽過來參加Michael Hui的自家製港式奶茶工作坊。Jack專誠在開張當日邀請售賣日本抹茶及綠茶的Michael，來幫忙介紹港式奶茶的做法。
「以前喺office，我會用三個Lipton茶包來煲奶茶，但Michael的配方的確可以沖出同茶餐廳一樣嘅奶茶。」新移民Dick Cheung帶住家人，一同來分享他對奶茶的鍾愛。
Michael純熟地以泡茶日久，猶如黑絲襪的布袋沖茶。他選用的茶葉是由香港茶餐廳的水吧師傅調配，同樣幼滑順口，再倒入茶餐廳同款的銻茶壺，沖入厚身黑白淡奶杯中。「呢個茶壺係有特別設計的，點解個煲蓋要反轉來用？」全場呆住，「因為個蓋邊太『利』，日日用會鎅到個茶袋，好快就爛。」
「從無一日忘記自己係香港人」
Michael跟Jack是在HK House舉辦的「香港人市集」認識。HK House是「溫哥華街坊會」的友好組織，同樣以支持離散社群及促進香港文化為目標，「港點煮」是該次活動的主題贊助。
「即使我早於1994年移民，我從無一日忘記自己係香港人……我想盡我一分力去保存我哋嘅文化，亦支持真心幫助離散港人的組織。」Jack再次眼泛淚光，「我想做返少少嘢……食物係最好嘅平台同共同語言，可以連結所有人，起碼大家可以食好嘢就開心。」
根據2021年人口普查，列治文市近半人口為華人，而當中4.7%自我國族認同為「香港人」。「我哋發現超過一半的訂單都來自列治文，真係太多華人，所以一直都想喺呢度開鋪。」Jack更自豪地說，疫情時加拿大封城，他們是少數繼續送貨到客人家門的中餐館，「至少幫渴求食到香港嘢嘅朋友打打氣！」
特約作者：Galileo Cheng
街坊小編按：Jack係港人圈子中少數真心撐在地港人組織嘅良心老闆。溫哥華雖然人多組織也多，但之間保持到良好互助合作關係，實屬難得。維持一個義務組織實屬不易，經營生意也難關處處。希望香港移民可以團結起來，互相扶持。
全文請到以下《追新聞》網站閱覽