呢間係太太無意中發現的，雖然駕車經過很多次，但沒有一次會落車入去。原來很有驚喜。

法文名FORÊT NOIRE 即係黑森林蛋糕，但我覺得佢比見慣見熟的黑森林蛋糕更精彩。

糕餅都不太甜，很精緻，食完不會有飽滯的感覺。橙色那個芒果mousse 蛋糕好香芒果味，內裡加入了好似係passion fruit，感覺很精新。

不過其實它的周邊食品都很有趣，好似這唇膏朱古力及 Love 朱古力禮盒，買來送俾人一流。

不過最耀眼的，都算是Macaron了。

不過唯一要彈的，就是貴。一件單人蛋糕都 $10，買三幾件已經是別人的一整個6吋蛋糕了，不過講味道，佢真係無得輸，大家可以試試。

FORÊT NOIRE PATISSERIE
236 West Broadway, Vancouver.

你在 Mount Pleasant 行行下有無見過呢件野呢? 在 Ontario 街可以找到幾個這樣的柱。但究竟這條柱是甚麼? 路標? 地圖? 日出日落? 外星人降落點?

依照 Scout Magazine 的 Christine Hagemoen 找到的資料，這是 2002 年設計 Ontario Greenway 的時候建成的，設計師的目的是俾你 (比較有型地) 知道你這一刻身在是在哪一段的 Ontario 街，由上至下就是由北至南。我這張相的圓圈所在第二條橫線，就是代表 E Broadway。在附近 E 8th Ave 都有一個，話說共有12個，你又可以找到幾多個?

這個資訊大家係咪覺得很有用呢?🤣

話時話大家又知唔知其實溫哥華街道的東及西係由 Ontario 街為中心分開?

伸延閱讀:
https://scoutmagazine.ca/2017/01/04/you-should-know-the-explanation-behind-the-odd-granite-obelisks-of-mount-pleasant/

甚麼是 Ontario Greenway?

在 Main 及 E 8th Ave 有一間不甚起眼的法式小餅店叫 Melo Patisserie，不過我可以講，佢係全溫哥華最好食的法式西餅三甲之內，應該無異議。

Chef Melo 很平易近人，經常見佢由餅房走出來跟顧客傾計，很好笑容的。而他作的西餅及蛋糕，你應該食完都會滿口笑容離開。其實我最愛的，是他的甜點不會過份地甜及膩，味道及份量都恰到好處，不會令你太飽，但又可以滿足你第三個胃的要求。有人講他的 crossiant 全溫哥華最好的，我不知道，我反而最喜歡他的 financier(金磚蛋糕?)，配咖啡簡直一流。當然，你都可以預訂生日蛋糕，個樣真係靚到送俾人絕對唔會失禮。

店子裡面裝潢亦非常漂亮，早前天花倒吊了很多乾花，感覺好似花店。前兩日再去，乾花走了，代之而是一個個吊住的熱氣球模樣的公仔，非常可愛，似個遊樂場一樣，這種精緻細心及品味，真係要跟法國/法系人學習。

那條街最近因為工程而攪到烏煙瘴氣，大家去時要小心一點，要泊車在附近的橫街泊就可以。

Melo Patisserie
https://melopatisserie.com

[原文在2021年7月8日在街坊會MeWe group 刊登]

轉載自 Edkin 遊子歸加 回流加拿大的日常事

係香港人群組裡面有新朋友講起行山。北美咁大地方，講到山野景致，同洛基山脈接壤嘅州份同省份真係得天獨厚。成個BC地方超大超靚，唯一嘅問題係唔夠錢唔夠時間唔夠體力，唔係淨係BC省都玩唔完。

由於BC可以去嘅地方實在太豐富，自己見識都唔算特別廣闊，我就只係集中講下係大溫地區一日之內行得完嘅短線路程可以點去。以下面所講既估計時間，喺用慢腳，比較保守嘅時間估計。實際時間最好自己調查一下距離同爬升，再根據自己過往經驗作為調整。

最簡單方便經濟實惠，一開始一定係北溫。而且因為有Cypress, Grouse同埋Seymour 三大滑雪場加持，好多靚山由停車場出發都可以偷雞行少一大截。例如由Seymour Parking出發，一條幾乎平路行去Dog Mountain喺輕鬆之選。再唔係行去Mt. Seymour 既First and Second Peak 都係5，6個鐘頭來回。

Grouse 主要係上Goat 同Crown Mountain，雖然水平距離只有三幾公里，但係難度不小。由山頂纜車站出發八小時來回都好正常。路線比較濕滑同有泥濘，建議等雨水比較少，路面乾爽時候更加適合。

Cypress選擇就更加多。Eagle Bluff相對比較容易去，但係即使往北走，去到打卡聖地St. Marks Sunmit亦都只係三，四個小時來回。Cypress係Howe Sound Trail起點，如果一直行，去到Lions同Brunswick都可以。但係呢兩個山難度都唔少，體力不足嘅就絕對唔建議，而且如果只係一日行程，就只係夠時間攻克一個山頂，都係逐個去啦。

另一個更加由容易到最困難都有得玩嘅路線就係Lynn Valley。由Lynn Valley Road入，往南走就係Rice Lake同埋本地人先去，唔使收錢嘅吊橋。山谷嘅景致非常漂亮，而且盛夏嘅時候河谷嘅水亦都唔會太凍，好多人去玩水。其中一個支線就係上Lynn Peak。路線唔長但係爬升非常厲害。可以想像係特別進階版嘅Grouse Grind。一般人來回之後都會腳軟。

直接北上，七公里距離就係Norvan Fall。一個非常漂亮而且可以走到瀑布底下既路線。雖然唔算難，但係距離相對長，小朋友未必有足夠體力完成全程。係Norvan Fall旁邊，就係上去魔王級既Coliseum Mountain。Coliseum 其實同Lions及Brunswick差唔多難度，問題就係加上Norvan Fall呢一段十幾公里來回，就唔喺咁多人做得到。年年都有人要人救落山，所以要準備充分先至好試。

其實都未講完，不過我諗分開下一集先至講其他更加容易同適合一家人去嘅路線。但係一定要同大家講，行山一定要有所準備。以上介紹嘅路線全部都係本地非常熱門，基本上一定會遇到行同一條路線嘅山友。有事坐定唔好亂咁走，總會有人幫到你。畢竟BC山體比香港大得多，搜救好需要時間，而且亦都要對野生動物有所防範，所以有關準備我諗又係要另外開一節出來講。

以上路線，有車既話係相當容易去。比起其他省份，一個鐘頭都唔駛嘅駕駛距離已經可以去咁靚既山其實係難以想像。不過有好多新嚟嘅朋友未有車，咁就比較棘手。當然如果呢個群組入邊有朋友去，跟車一齊上係唔錯，不過要夾啱又唔喺咁容易。大家可以試下加入一啲本地行山群組，周不時都會有好心嘅朋友，橫豎出車重有兩個位，就會問有冇人想跟埋去。通常參加嘅人都係自己冇車，咁就可以約喺溫哥華某啲地鐵站外面等，好多時都係比返十幾廿蚊油錢當做謝禮就可以。

不過，同陌生人同一架車上山係有一定風險，所以要自己研究下嗰個信唔信得過，如果出到黎變成喺孤男寡女當然就可免則免。另外可以用car sharing，偶然一日用下車嘅朋友係一個好選擇。

BC Hiking and Adventure Group

https://www.facebook.com/groups/808903849314933/?ref=share

希望哩個群組多啲人搞行山會，可以帶到多啲朋友去睇享受一下Beautiful British Columbia。

天氣終於都開始回暖，又終於唔駛日日都對住黑沉沉的雨天，即係表示休息了一段日子的農家市集又再開始。Vancouver Farmers Market 顧名思義就是宣傳 Fraser Valley 農家自家出產的農產品，由時令蔬果花卉以至自家制作的食品飲品都會有。由於不經超市批發的程序，所以一定是當時得令最新鮮的。

上星期日小編去了剛剛重開的 Trout Lake 市集，天氣和暖，行得很舒服，而且疫情緩和都見了不少人重新走出來。下星期日Kitslano Community Center 的農家市集亦會重開，大家記得支持一下本地的農業啊。

Vancouver Farmers Market
https://eatlocal.org

如果大家有留意的話，3月下旬白色的染井吉野櫻花開花落到長出綠葉的兩三個星期之後，好像失去了色彩一樣，不過不要緊，4月中後段迎來另一個稍遲開的櫻花關山櫻，其一簇簇粉紅的花群，遍佈整棵樹，非常搶眼奪目。

今日向大家介紹小編最近發現的一個景點，串連 Dumfries Street 夾 28至32nd Avenue三條街在路旁的關山櫻，整條街都被一簇簇的櫻花覆蓋著，如同一條櫻花隧道般，非常誇張。最有趣是，如果你由33rd Avenue 行入去，在迴旋處那裡向北望，你會覺得整條前路都被櫻花包圍住，因為去到約30th Avenue 條路會走向下坡，所以你就見到再前面的樹頂的櫻花。大家要看，這兩天就要去看，如果唔係就要再等一年了。

又到一年一度的櫻花季節。如果大家去過日本都知道每年3 月中至尾日本櫻花都會盛開、一星期左右就散落，淒美得令人恨不得飛去看。很多人都說想去日本賞櫻，但實際很難計劃得準確。其實，櫻花在北半球很多地都有，盛開時都非常漂亮，相信大家有去了英國的朋友都會貼上現在櫻花盛開的照片。

在 30年代，神戶及橫濱市捐贈了500 棵櫻花並放在Stanley Park 的 Japanese Canadian War Memorial 以記念第一次世界大戰為加拿大參戰的加國日本人。自此，溫哥華逐漸開始在街道種植櫻花樹去取代大棵的榆樹及楓樹，除了因為櫻花的美觀之外，相對細少的櫻樹對行人道及水道的破壞都會減少。

溫哥華有超過4萬棵櫻花，而且有不少種類，花期都不一樣，所以你可以由3月中開始到4月尾都有機會睇到櫻花。呢幾年我周圍去尋找一些有特色的景點，大家可以參考一下。

1️⃣➡️Arbutus Ridge (W 22nd Ave x Yew Street) 通常3月的第三個星期開始滿開，這裡是我最喜歡的景點，因為地勢由高至低再上番山，橫越5、6條街的櫻花樹就似一條長龍般伸延去山谷的另一邊，非常壯觀。

2️⃣➡️ W 16th Ave, Granville 至 Burrard 之間，整條路都係櫻花。不過呢條路好多車，要影就要諗d 方法。

3️⃣➡️ Rupert x E 3rd Ave，當你由 Rupert 轉右入 E 3rd 你就會見到這個情景，路的兩旁係滿開的櫻花，而遠景係錫克教會尖頂的會堂，非常特別。如果你有長焦的話，可以過番另一邊的W 3rd 在公園旁影會更靚。

作者：Yuki Wong , CPA @ Kingsmen Consulting CPA Professional Corp (Personal, Corporate, Estate, and International Tax Specialist)

大家好！自從筆者一月份發表了 「新移民報稅：MPF 的稅務問題」，得到坊間很多回響，就此特別感謝大家的Support！

以下係想回應一些對該POST 的常見問題：

首先，大家要明白，加拿大稅法是走Common Law制，可以理解為用先例而立法。至於MPF，在筆者的考究下并未找到先例。但這不是好事，因為要成為案例，首先就是要把稅局告上法庭！所以根據筆者從事國際稅法工作經驗，好多Case都是會上到法庭前Settle。

那筆者是鑑於以下幾點作出結論：

１）MPF是不是Pension？

基於所得稅裁決局－Income Tax Rulings －2001 年的信件中確認 [１] MPF 符合《所得税法》下 Foreign Pension Plan（境外退休金計劃）定義

２）MPF其實是移民前收入，可不可以只考慮移民後的升值？

這個觀點是以MPF是投資基金而不是退休金為前提，但在2001 年的信件中已**！明確！**確認MPF是境外退休金計劃。以下是信中裁決局的回答：

Question #1

Would the Plan qualify as a foreign pension plan for purposes of the Income Tax Act (the “Act”)?

Response

Based on our understanding of the Plan, the Plan would constitute a foreign pension plan for purposes of the Act.

官方讀本只係 Discover Canada，沒有其他讀本，裡面寫乜就會考乜，因為讀本的英文程度唔算難，所以作為一個識字的香港人原則上你係唔需要再用其他的讀本。

Discover Canada 裡面的內容非常詳盡，由加拿大立國歷史，到政治、經濟、每一個省市都有涉獵，所以就算你在加拿大住了幾年，有很多資料你都未必會知道。不過有些題目，你係一定要知道的：

• 加拿大人的公民責任，做加拿大人有甚麼權利同義務
• 三級政府、同英女皇的關係、國會的組成、政治同選舉
• 加拿大立國的歷史，尤其是與土著的關係、與英國及法國的關係、與美國的紛爭、到1867年前後各省幾時加入成為加拿大國、到兩次世界大戰（中間有提到香港）到現代
• 代表加拿大的事物，如楓葉、水瀨、國旗顏色等等
• 10省3領地各有甚麼特別的地方
• 加拿大人的成就，取得特殊勳章的人、科學、體育、文化有名的人物

對我來講，記年份係比記發生甚麼事更困難，所以我由頭至尾睇過一次讀本之後，就列表當中講過的年份發生甚麼事，咁樣要參考番就容易得多，比如：

• 1840 – Upper/Lower Canada united to form Province of Canada.
• 1847-48 – NS – full responsible government
• 1849 – La Fontaine, first leader of responsible government.
• 1857 – Ottawa chosen as capital by Queen Victoria
• 1864-67 – Fathers of Confederation worked together to establish a new country
  • Two levels of government – federal and provincial.
  • split Province of Canada to ONT and QC
  • Dominion of Canada – Sir Leonard Tilley in 1864 – Psalm 72 – dominion from sea to sea and from the river to the ends of the earth 。。。

加拿大地理亦是非常重要，建議你用 Google map 去俾自己 Visualize 讀本中提過的地方，會幫你記憶。

各位街坊大家好。小弟在2021年4月上網做完加拿大入籍試並已合格，因為同前人的經驗有少少出入，所以都想分享少少點樣預備個試。

話明入籍試當然係你已經喺加拿大吽左三年並已經伸請了入籍的手續，今次因為疫情的原因所以官方特別做了這個網上試而非進入試場，而我由伸請到被邀請考試到入籍唱歌，全程經過1年半左右。

（如果你根本唔知點先至可以入籍，睇左呢度先：)

因為官方與你溝通的方法只係email (我並無在正常郵政收到同樣邀請通知，或在 IRCC 網站知道已寄出邀請信），所以你必須 經常 check email 同 email 的 spam folder，以免過了時限而不自知。一般而言發出了邀請的 21 日內你要完成考試。

官方信列明得很清楚你需要甚麼去準備考試，所以我不再詳細講：

• 一部有webcam 的 laptop 或 iPad，使用 Safari 或 Chrome (Surface Pro，電話同 iPad Chrome browser 唔得）
• 你的身份證明文件（PR card 或車牌或其他有你照片及簽名的證件），佢會要求你在 webcam 前影張咭做認證
• Reliable 的上網設備，盡量在自己屋企上網，唔好用電話網路，唔好用公開 WIFI， 最好自己閉在房內

不過值得一提的是 PR card 張咭極度反光，如用webcam 在screen 前影張咭的話係好難影得清楚（因為screen 也是白色反光），最後我死死地氣用番車牌。

官方話預備考試的官方讀本只是 Discover Canada，裡面寫甚麼就有機會考。你可以使用網上的文字版、語音版、PDF 版（同實體書一樣排版）或要求官方寄一本實體書俾你。

Discover Canada: https://www.canada.ca/en/immigration-refugees-citizenship/corporate/publications-manuals/discover-canada.html

點樣預備考試請看我另一篇分享。

到考試當日，準備好自己坐定定，間屋無乜人走來走去，光線充足，唔要有咩野騷擾自己，因為在半個小時的考試中，website 會隨機用 webcam 拍攝你考試中的樣子，如果你有甚麼特別舉動，比如離開座位或翻看別的地方，你可以被取消資格。

去官方要求你去的 IRCC 網站開始考試：https://www.canada.ca/en/immigration-refugees-citizenship/services/canadian-citizenship/become-canadian-citizen/citizenship-test/online.html

依照指示sign in，agree 左一大堆野之後會要求你確認 email，你會收到一條新 Link，你要開呢條 link 再sign in 一次，而呢條 link 只會有效15 分鐘，所以過了一陣都收唔到的話就要再check check 了。