這個月大溫的天氣都非常好，每日都有太陽又不太炎熱，確實可以感受到秋高氣爽的天氣。如果街坊還未安排節目，不妨駕車去一個遠少少的 day trip?

哦，我不是叫你駕三四個小時車上山，只是好近的 Mission。

花園享早餐

在星期六日10:30 開始Brunch 的 Sunflower Cafe 應該唔會太多人知，它在 Maple Ridge 小山丘中，附近甚麼都沒有，但當你知道cafe 的所有蔬菜同雞蛋都是自家農園出產，標榜全天然及可持續發展，不時不食，就知道這裡殊不簡單。

餐廳基本上是開放的設計，如果你有4人或以上就可以要求坐花園外的小屋仔，或者可以坐在有上蓋的大廳。小屋仔基本上係cafe 的地標，有機會坐的話不妨試下；不過無論你坐邊度，都可以在鳥語花香的環境下用餐。

雖然只是 brunch，但餐廳卻一點也不馬虎。先來 4 粒 scone，從無想過 scone 係咁鬆軟香口，一入口簡直溶了一樣，完全KO 哂我以前食過的任何 scone。兩種果醬（檸檬同士多啤李）都是自家製作，同樣味美。

Smoked brisket 炆得好軟，外面鬆化，外面兩隻蛋同墊底的薯仔唔知點解都好食過第度。

不過由於餐牌都會因應當日材料而改變，所以我食到的你又未必食到。 我覺得晚餐應該會比 brunch 更精彩，下次有機會（趁仲有太陽又唔太凍）要去再試試。

Sunflower Cafe / Yellow House Farm [Google Map]

歷史發電站

食完就駕車去一個對我地大溫地區同菲莎河谷非常重要的一個設施，佢就係近百年供應給我們電力的 The Powerhouse of Stave Falls。大家都知道，大溫地區主要電力都是水力發電的，依據資料，bchydro 在本省就有近30 個水力發電站。Stave Falls 電站在1912 年建成，但其發電機組運行到2000年才正式退休，由附近新建的兩個機組取代，以100年前的設計可算是相當耐用。兩個發電站雖然發電率相對其他電站不算太高，但她是省內第一個水力發電站，對認識本省歷史同當時電力發展事業其實非常重要。

對於歷史，大家都最好自己親身去體驗一下就最好。我驚訝當時的人能在完全了無人煙的地方興建了這個大型的設施，以及深深感受到那裡工作的人的犧牲精神。由職員口中知道，因為當年不會有遙控監察系統，所以工人都要在極高噪音的環境工作，而大部份人在晚年聽力都已衰退。

轉載自hkcanfun2.0

🍂秋天轉眼間嚟到
人在異地除咗諗起秋風起、三🐍肥
係外國地方仲會諗起萬聖節🧛🏾‍♂️🧛🏻‍♀️🧟‍♀️
話說上年萬聖節
#C妹 同 #矇小 仲走咗去Port Coquitlam拍片📷
個度有一戶人將自己屋企前園佈置得好有氣氛🎊🎊🎊
仲有啲機關彈啲公仔嚇你一跳
好多人都慕名去睇👀👀
諗起都幾好笑

不過想感受萬聖節氣氛唔洗去咁遠嘅
今年係Burnaby舉行Pumpkins After Dark 🦖🌙⚰️
呢個係加拿大出名嘅萬聖節活動
今年有6,000幾個手工雕刻南瓜
配上燈光裝飾、音樂、聲音同特殊效果
係公園夜行慢步感受又唔一樣

大大聲講你哋知📣
入面仲有經典萬聖節人物、電影角色等住大家發掘

Pumpkins After Dark @pumpkinsafterdarkburnaby
日期：22/9-31/10
時間：6:30p.m.-10:30p.m.（每日有少許不同，以官網為準）
門票：成人（17歲以上）CAD21.95；青少年（4-16歲）CAD17.95；家庭套票（2大2小）CAD74.80
地址：Swangard Stadium & Central Park, 6100 Boundary Rd, Burnaby, BC V5S 3R2
購票網址：https://pumpkinsafterdark.com/burnaby/

小編C妹💕💕💕

💬Follow我哋好玩好買👉🏻 #hkcanplay
本拿比介紹👉🏻 #hkcanfunBurnaby

記住Like👍🏻Comment💬DM同Share支持 @hkcanfun2.0

轉載自hkcanfun2.0

【VIFF：我TIP4部最期待電影】🍿
Vancouver作為毗鄰Hollywood嘅一大廉價
拍攝／後期／星探 聖地⋯⋯(又稱北方荷里活)
其實呢度同電影嘅連繫都好強
包括取景嘅地方
i.e. DEADPOOL全套、XMEN係讀UBC、
The Interview (炸爆金正恩嗰套)、
超人 Man of Steel、
仲有格雷系列啦（唔知邊啲場景先係）
⋯⋯
所以造就出電影／後製／動畫學院
咁受加拿大小朋友歡迎

而今次同大家介紹電影節
係溫哥華地區一大電影年度盛事
活動會橫跨整個加拿大不同放映中心
上映不由不同國家、大大小小Production團隊拍攝嘅好戲

因為#矇小 打開佢個Website 見到有16頁
我當然唔會逐套同大家介紹
而我又唔鍾意睇戲前睇預告的關係
我喺度Tip 四套我認VIFF必看電影畀大家
介紹電影稍後放Comment session
想一齊睇嘅記得inbox我哋或CM啦
《The Whale》
《Septet: The Story of Hong Kong
（七人樂隊》
《分手的決心Decision to Leave（韓）》
《孩子轉運站Broker（韓）》

呢4套係#矇小 必睇㗎啦
差在最抵睇睇法
一定係買Festival Ticket Packs
如果你想之後常常參與VIFF活動
可以買返個VIFF+ 會然
而正價 6 Ticket Pack 為CAD84
CAD 14 一套
有高級睇premiere 享受
點忍心唔睇多幾套？

8月28日星期日天朗氣清，啱哂我哋一班街坊去行山。朝早10點幾，一行28人分成4組，浩浩蕩蕩向Norvan Falls出發。沿途有清澈小溪，又有樹林成蔭，景色真係唔錯。雖然到達瀑布要兩個半鐘，但邊行邊講唔覺唔覺就行到。因為今個夏天雨量唔算多所以瀑布水流唔算太大，但一樣吸睛，大家一邊欣賞美景一邊休息食晏，非常愜意。 休整約一個鐘後，下晝4點半我哋安全返到起點結束今次行山活動，雖然時間長少少但沿途唔算崎嶇難行，就算對幾位上咗年紀嘅街坊一樣無難度。活動完結後大家都不約而同問嚟緊幾時再有活動，想知就記得留意公佈，又或者加入我哋嘅discord！

P.S. 再次多謝Winnie同Herman嘅準備工作同帶隊！

要數夏天的溫哥華的活動，又怎會少得摘藍莓？Richmond、Delta、Surrey 同Langley 都是大溫哥華農業的重點城市，藍莓更是本地最重要的農產品之一。藍莓算是易種的生果，而且成長的果樹都可以生成很多果實。對一家大小來講，唔算高的藍莓樹比車厘子易摘，小朋友就算手一抓都可以摘到不少果實，實在是一家大小最好的假日活動。

小編早前去了 Delta 一個頗大的農場叫 J.S. Dhaliwal Farms，地方非常大，就算有很多遊人都唔會覺得迫，而且果實都比較大粒，埋單只要 $2 一磅，非常便宜。建議大家可以朝早由 Richmond 駕車去只需約半小時，早上陽光唔算太熱因此唔會太辛苦，摘兩三小時就可以吃午餐。大家家中有膠桶就帶三兩個膠桶，無的話農場都會有借用。膠桶內放一個大膠袋，摘完就咁一袋拎出來磅重俾錢就可以。個人感覺一般遊人都會在停車場附近的果樹摘，我就會去遠一點無咁多人的地方，通常都會有更佳的收穫。

如果你真係懶到摘都唔想摘，其實都可以直接同農家買盒裝的，都只不過是$2.5 左右一磅，比去超市便宜，無的話去附近的農園一般都可以買到。

回程食午餐當然可以返回 Richmond，或者可以沿 Highway 99 未過隧道之前有一間河畔的餐廳 RiverHouse Restaurant, Pub & Marina，景色超好很chill，不妨試試（食物就一般啦，唔算好突出但唔會難食）。

溫哥華的夏天從來都不缺戶外節目。如果太陽下激烈的運動不適合你的話，不妨參加8月及9月四個星期六在溫哥華不同地區的 Car Free Day 享受一下在街上無車的悠閒周末。

• 8月20日－Downtown Denman 街
• 8月27日－Mount Pleasant 一段的 Main 街
• 9月10日－溫東小意大利一段的Commerical Drive
• 9月17日－ 北溫（未正式公佈）

當日整條街都會封路不給車行走，而為了宣揚無車日減少炭排放的目的，請大家都盡量坐公共交通工具前往。路兩旁都會有攤檔、Food Truck 或街頭藝術或表演，林林總總，街坊一定會找到你有興趣的項目。街坊如果想參加就要繼續留意官方網頁。

以下是2018年小編在 Main 街的 Car Free Day 的照片。

好多謝超過100位街坊支持7月31日街坊會在 Burnaby 的 Fraser Foreshore Park 舉行的「街坊圍爐燒」，大家係咪好盡慶呢？雖然天氣非常炎熱，但場地的樹蔭剛剛好遮住猛烈的太陽，因此都非常舒服。

呢度要多謝咁多位義工將呢個燒烤同樂日攪得有聲有色，要知道預備咁大型的聚會，統籌購買物資、安排人手車手都非常繁瑣，今次要非常多謝當中的骨幹成員小熊同 Yan 將整件事整理得井井有條，大家要俾d 掌聲！當然重有各單位的義工，有不少都出自己私伙來幫手；同埋當日負責廚房預料同煮食的各位，熱辣辣在爐火前整近百人的食物都幾辛苦呢。我地都要多謝有心嘅街坊煮左薏米水及請義工飲汽水，真係好有愛。

特別鳴謝周竪峰不辭勞苦將五城書展帶埋來，他選擇了不少頗堪細味的書到來俾街坊試閱，如果街坊有興趣買的話可以去到 https://1841.co 選購。

今次我地見到好多街坊來了加拿大都只係幾個月的光景，希望各位街坊可以藉著今次機會結識更多朋友，因為支援同經驗分享對新來的街坊融入加拿大有很重要的作用。

隨住武漢肺炎陰霾逐漸消散，本地的大型活動都相繼重開，而闊別兩年的「本田光的慶典煙花大會」 (Honda Celebration of Light) 今年會重新舉行並且慶祝這件盛事三十周年。煙花大會是以邀請賽型式，邀請世界各地煙花隊伍參賽，這亦是世上最歷史悠久的離岸煙花比賽。

今年煙花大會在7月23日（星期六）、27日（星期三）及30日（星期六）的三晚10點在 English Bay Beach 舉行。23日晚是兩度得到冠軍的日本群馬県的灯屋煙火店打開頭炮，27日是本地薑 Yukon 白馬市的 Midnight Sun 隊伍，而最後一日是早在1860年成立的西班牙隊伍Pirotecnia Zaragozana，相信三日的表現都會非常精彩。

雖然煙花大會係免費入場，你亦可以在 Eventbrite 官網 俾少少錢購票坐在不同贊助商的看台觀賞。如果大家唔想花太多金錢的話，其實只要 Downtown Denman 街行去English Bay 沙灘就是會場，當然好位置就要盡早霸位啦。小弟早幾年前去 9 時左右沙灘已經插針不下，所以之後去都會沿著 Beach Ave 沿海岸一直行去近Denman 的位置，雖然視覺會偏少少，但都一樣震撼，而且無咁多人。不過無論你去邊一邊都好，我都建議你盡量不要駕車，因為 Downtown 絕大部份地方都唔會找到地方泊車，又或者封路封到行好遠。。

亦有人會選擇在對面岸 Kitslano beach 旁的Vanier Park 欣賞，但因為平時泊車位都已經少得可憐，又沒有 Skytrain 到達，所以除非你在附近居住或工作，唔太建議去這邊。

小弟附上2017年日本灯屋煙火店以及2019年克羅地亞隊伍的表演。

轉載自同文（官網：https://bit.ly/3QwRerW）

街坊會聚集了一群在溫哥華的香港人，部份會員更成為義工。

「眼見香港人流散世界各地，覺得好悲哀」Marco 說，他十多年前完成香港會考後，隻身到美國西雅圖生活了 12 年，後因工作機遇移民到溫哥華。「依家有 Stream A、Stream B 係容易好多，我開頭係拎工作假期簽證，又攞過工作簽證，之後 Express Entry 要計分，試過為咗拎高分，考 IELTS 考 8 次為咗拎高分，任何嘢都經歷過」。他希望用自身經歷去幫助香港人，盡快融入社區，「移民係唔容易嘅，真係好難，因為要選擇離開熟悉嘅地方，去一個陌生嘅地方」。

14 歲移民溫哥華的 Stacey 自小受到「黃到發金」的港爸影響，對香港有一種感情。「因為喺 2019 年反送中運動，見到香港人咁嘅情況都好心痛，都想做返啲嘢幫香港人」。她曾經見過一些新移民港人來到加國，即使有多年工作經驗、具碩士學歷，但都找不到理想工作，「嚟到呢度做侍應或洗碗，覺得好浪費人才」，因此她會協助港人練習見工面試。

來加半年的 Sherry 則希望傳承香港文化，例如廣東話，「其實唔想話大家嚟到，經過呢代之後就失去」。她說自己也是新移民，「經過呢大半年，有啲嘢我都撞過板，有啲經驗可以分享返出去，等之後嚟嘅街坊，唔洗行咁多冤枉路」。

臉書帖文：https://www.facebook.com/commonshk.media/photos/a.120614713705538/174571418309867/

特約轉載

《BC的大麻和可卡因》（長文）
最近BC省推行為期三年的試驗措施，將好幾種毒品的少量存有除罪化。例如身上藏有2.5g或以下的可卡因，K仔 （還有幾種我不懂的），警察若在個人身上搜出將不會檢控。這個措施在北美洲成為首例，遠至英國和歐洲亦成為國際新聞。

多年以來，加拿大藥品管制在思想上的前衛可謂領先全球。例如大麻合法化影響所及，過去一兩年美國不同州份都開始逐漸放寬對大麻的管制。又例如毒品安全屋（由政府資助，義工參與，提供安全針筒，甚至安全毒品劑量的毒品注射場所）更被部份北歐國家參考仿效。

不過由大麻開始，本地華人社區對政府推行的毒品政策無不恨之入骨，認為是推廣毒品，教壞細路，破壞社區秩序安寧，林林種種，一言難盡。如果要選華人對自由黨杜魯多政府最不滿意的政策之一，大麻及毒品政策必入三甲。

今次除罪化這個措施已經醞釀一段時間，本地華人媒體和族群領袖群情洶湧，紛紛在諮詢時表達對政策的不滿。我以為這個前衛的政策不會實行，怎麼知道卻真的成事。

政府推行這個政策的原因，在我們傳統的理解來說是相當難以明白的。政府的原因是，因為濫毒致死的個案不斷增加，對濫毒者施以刑責只會令他們要依賴不安全的毒品，以及拒絕求或者接受醫療援助。濫毒是一個健康衛生問題，以定罪來處理並不能夠解決。所以希望透過這個措施讓更多濫毒者能夠接受援助和治療，減低死亡數字。

我們傳統的概念，癮君子都是自甘墮落，是社會的渣滓。吸毒是罪行，癮君子都是死不足惜。若果想要自救就應該要戒毒，無論以任何形式對毒品都是絕對零容忍。所以政府的說辭，對保有傳統觀念的人來說就簡直是莫名其妙。

不過，或許很多觀念都應該要隨著時間重新審視。正如現在大家對精神病患有更多了解，才明白精神病患是病症，需要醫療的細心幫助，並非患者憑個人的意志能夠改善情況。而毒品都是精神科藥品，以現代的理解，毒品成癮者要靠個人意志戒毒是非常困難。由此路進，先會有今日加拿大政府對毒品的各樣新措施。

我知道我現在這樣說一定會惹來不少譴責。但其實觸發我寫這篇文章的原因，並不是本省的新措施，而是我在《報導者》podcast上聽到台灣在大麻合法化這個進程中遇到的各種考慮。50分鐘的內容非常深入，而且帶出各種問題和觀點，更有與傳統華人文化中對於毒品的忌諱的各種考量，非常發人深省。希望大家能夠花一點時間聆聽這個節目，至少不會還未理解正反雙方的意見，一聽到大麻和毒品就反對。

《我們說的大麻到底是什麼》
https://bit.ly/3Mbf0Gw

聽到台灣在立法方面的重重困難，最打動到我的是節目中的來賓台灣大學公共衛生學院助理教授陳良妤的話：“管理精神科藥品，完全禁制就是行政立法方面最簡單便宜的做法。要有法規管理就需要經過長年纍月的法規和準備。像加拿大，在這條路上已經走了很多年，台灣卻還在起步，仍然有很長的路要走。”從另一個角度看，加拿大的法制和人文社會是一直努力地走在前方。

一位以前在香港做傳媒，現在已經身在英國的朋友問我，對於加拿大相當左的意識型態能否習慣。我說，現在對於左偏的理解是比較大愛包容的一種態度，若果不接受，根本就不應該來到加拿大。有些概念或許對某些人來說一開始真的有點難以接受，但是在加拿大能夠開放討論的這個社會，不正是我們所希望的社會形態嗎？當香港的法制大幅倒退，人文社會被消滅的時候，我們更要對加拿大的法制和文化有更深的理解，甚至更珍惜這一片天地。

以下兩篇都是非常有意思的延伸閱讀，希望大家也能參考：
英國衛報報導：
https://bit.ly/3NgcRdN

台灣《報導者》對大麻合法化的探討：
https://bit.ly/3aDhGQ6

https://www.facebook.com/105184631065962/posts/541733200744434/

原文