談接納
【by 街坊甲】加拿大一向喺人權方面非常進步，係一個包容所有人嘅國家。呢兩年對得香港移民多，好在絕大部份接觸嘅街坊都好接納，有好多黎參加各種活動嘅同志伴侶亦好似我哋咁，大大方方人前人後都拖住手仔，唔會好似喺香港要諸多顧忌。
不過啦，一樣米養百樣人，總會遇上一啲奇芭，以下係街坊甲嘅少少經驗：
華人教會非常保守：有人退會仲寄經文畀我（大家應知邊兩段）叫我快啲悔改
三十好幾男同志話：唔想嘥錢喺你哋啲活動，我淨係鍾意群埋啲廿零碎同志玩
黎到加拿大，仲仍然信香港果套神嘅教誨，其實有無睇到周圍啲教會貼晒彩虹貼紙？同志自己都唔係磨菇嘅，既然多數人都接受不同性向，點解仲要自己獨處一隅唔肯入世？作為同志，既然唔想人地歧視，自己又有 N 種形式嘅歧視，只係喺度自打嘴巴，亦絕對唔係街坊會應有嘅精神。
所以我都好想重申下，街坊會既然有「傳承、接納、共融」呢個口號，接受得加拿大價值，我哋會繼續接受所有不同性向、不同性別、不同年齡嘅香港人，亦好希望來年能夠帶街坊參與各種性向嘅活動，令大家可以有一個認識對方嘅機會。
2022-12-17 街坊Artjam + 糖水會
好開心廿幾位街坊參加咗日前喺 Marpole Snackshot 糖百府 舉行嘅街坊Artjam + 糖水會！好榮幸請黎 Art For Life Studio 臻活藝坊 嘅 Harvey Chan 擔任水彩畫導師，仲即場示範埋添！個個話自己唔識油但係個個都畫得好靚喎！大家好鍾意食啲糖水，特別係咖喱魚蛋～多謝糖百府提供場地！
大紀元專訪：香港老移民樂助新來港人融入加拿大生活
轉載自大紀元 （全文：https://www.epochtimes.com/b5/22/11/11/n13864031.htm?fbclid=IwAR1RDLoQ-Jx-fVUsDYtxH6x72bg8Xninu-rcQJ6FEguZtXIVIYEsbSN8mvM）
2019年香港反送中運動後，香港的局勢變得動盪，很多港人、特別是年輕人陸續移居加拿大，人數成爆炸式增長，急需協助。除了政府機構，更多久居大溫地區的香港移民便主動成立了不同的組織，為新來的同胞提供協助。「溫哥華街坊會」就是其中的一個。
據Marco介紹，溫哥華街坊會（Vancouver Kaifong Association）（簡稱：街坊會）於2020年11月成立，目的就是希望建立鄰里間的互助關係，承傳香港文化，幫助從香港新移民、新過來的人，特別是年輕香港人融入加拿大這個新環境、新生活，大家團結一起在這個新的國家裡成長。
街坊會成立以來，通過舉辦講座、社區活動的形式，幫助新來的香港人結識新朋友，更多地了解這個地方，更快地融入當地社區。比如，辦過一些見工的講座，幫助準備簡歷；還辦過勞工權益講座，幫助了解這裡的工作情況；也有安排稅務講座等。街坊會還組織過爬山等活動。現在街坊會約有2千街坊。
加拿大統計局最新的統計報告提到，最近5年移加港人有9成選擇定居溫哥華。
Marco介紹，街坊會舉辦的聚會，經常都會有人說：「哦，我才來不到一個禮拜、二個禮拜」，很多都是很新的。街坊會會先協助他們找到一份工作，安頓好自己的生活，幫助他們先融入社區，而不是去玩。
Marco表示，新移民離開自己住了幾十年的地方——香港移民過來，開始是艱難的，所以想給他們一些支持。「我們街坊會的口號是『全程接納與共融』。由我們這些移民來這裡比較長時間的香港人，分享這裡的資訊給新移民，讓他們儘快地適應這個地方。」「因為不斷有新移民陸續過來，我們都會繼續幫助他們，比如找工作，幫助他們適應這個新環境生活。」
《正義迴廊》影評
多謝 ILLUME Films 邀請出席《正義迴廊》優先場！優質的港產片絕對需要大家進場支持，今日就可以在Richmond Silvercity或Marine Gateway Cineplex欣賞到
當日出席的街坊都表示，《正義迴廊》是大家都不能錯過的一部電影！
街坊Tommy與Christy：《正義迴廊》節奏明快，劇情真實，演員演技精湛，加上電影利用剪接方式往返法庭和案發現場，觀眾更易投入，同時讓觀眾思考何謂真相。值得推介！支持香港電影
小編S與A：本片探討法律是否可以彰顯公義，看似深奧的題材卻又絕無冷場，拍攝手法令你彷彿親臨其境，每個角色都描繪得十分立體，加上演員高超演技，兩位小編都看得很投入，尤其蝦頭那一幕令人揪心
街坊Willis：正義迴廊係近年其中一部出色嘅香港電影之一，無論佢嘅敘事手法、場面調度、剪接都處理得好精彩好聰明，劇情緊湊，沒有尷尬嘅解釋性對話，對於社會議題既呈現恰到好處，最後一幕更加係令人有一種意猶未盡，想睇落去嘅感覺。
觀影過程令我諗起杜琪峰同韋家輝執導嘅《神探》 / 英劇 – Sherlock Holmes, 如果對題材有興趣嘅就更加一定要入場睇！
要繼續支持好嘅香港電影！
街坊Anita：我好耐冇睇港產片，今次睇《正義迴廊》嘅感覺比一般嘅商業片好唔同，做到引導觀眾去從唔同嘅角度去觀察及思考，選角也做得好好，尤其係唐文奇的角色，麥沛東演繹得非常好，我俾4.2/5
街坊Rita：終於嘅溫哥華睇到部超水準嘅港產片, 非一般演譯嘅法庭內容劇情,最欣賞佢嘅剪接技巧, 演員個個表現出色, 情節緊湊, 勁正！
街坊一致好評
一齊入場支持《正義迴廊》，支持香港電影
2022-12-04 溫哥華街坊會兩周年聚餐
溫哥華街坊會兩周年聚餐喺12月4號已經圓滿舉行，筵開16圍枱成一百六十幾人參加，場面熱鬧。有豐富奬品美食，又識到新朋友，甚至有街坊同好耐無見嘅朋友相認返，機會非常難得。我哋再次多謝各個表演單位、贊助商戶、同埋勞苦功高嘅籌委會義工，當然更感激所有出席嘅街坊支持，希望下年可以再次見到大家！
當晚我哋好榮幸請到本地樂隊 Belmont @belmont.ig 同埋 UBCXSFU《給缺席的人唱首歌》聯校歌唱比賽亞軍 Sophie @sophiexyung 聯手為街坊獻唱精選廣東話歌曲，曲目包括：
- 銀河修理員 – Dear Jane (Belmont X Sophie)
- 今生今世 – 張國榮 (Belmont)
- 離魂記 – 周國賢 (Belmont)
- 小諧星 – 呂爵安 (Sophie)
- 凡星 – 陳蕾 (Sophie)
Belmont 係剛成立嘅樂隊，但合作無間！有主音 Kay同其餘成員Ray （Keyboard） 、華妹（ Cajon） 、Lmo（Guitar ）嘅精采演譯 。至於Sophie 更加自彈自唱兩首歌曲，希望佢哋嘅歌聲可以陪伴大家在亂流中繼續平安。
然後我哋嘅魔術師 David Kung @whkungngng 遊走每一枱，同街坊面對面示範啤牌魔術，已經令人嘖嘖稱奇；正式上台演出時，小編都好想知果隻雞蛋究竟點樣變出黎呢？
街坊會鳴謝以上各單位為港人社區文化交流出一分力：
UBC Club HK
SFU Hong Kong Society – HKS
@sophiexyung
@belmont.ig
@whkungngng
另外，當日我哋仲請到四位嘉賓一齊參與，佢哋分別係：
- 住加男人 Sam同Wingo 住加男人－CanMen，佢哋兩個唔止齋坐齋食，仲上台同大家傾吓偈，分享吓初到溫哥華生活點滴，仲有呀，Wingo喺果朝先啱啱去完camping揸幾個鐘車返嚟，認真唔話得！
- 時事評論員姚永安先生，Gabriel之前為街坊會做過幾次會客室及大講堂，非常之感謝佢！
- 屎仔 屎仔 ，佢上次喺HK Fair同大家分享加拿大嘅工作文化
最後，我哋非常感謝以下商戶嘅贊助（排名不分先後）：
- Bodega Pets Foods & Supply Bodega Pets Foods and Supply
- Buyship Express Buyship Express Canada
- Canny Yoga 瑜伽教室 CannyYoga
- Gifts & Take 薰芳有禮 GIFTS & TAKE by Oily Mame
- Holy Duck Chili 好得鴨油辣椒 Holy Duck Chili 好得鴨油辣椒
- Itchy Ichi Itchyichi
- Joy and Hope Creations Hope and Joy Creations
- Maiwei Pictures Maiwei Pictures
- Mehmehmagic 旅遊人誌
- NUTTEA NUTTEA Canada
- OSIM Canada OSIM Canada
- ProCare Health and Wellness ProCare Health and Wellness Clinic
- Royal Metro College Royal Metro College
- Snackshots 糖百府 Snackshot 糖百府
- Twins Services 逍遙遊 Twins Services
- Whitewood Coffee Whitewood Coffee Canada
- Yes Natural Goods 悅意生活館 悅意生活 Yes Natural Goods 有機、天然、無公害食品！
- Yum Tong C Yuen 飲湯思源 飲湯思源
- Floata Seafood Restaurant 富大海鮮酒家 Floata Seafood Restaurant 富大海鮮酒家
《溫哥華街坊會》為非牟利移民互助組織，鳴謝以上各單位為港人社區出一分力，希望各位街坊繼續支持《溫哥華街坊會》！
雪的疑惑
如果街坊有留意天氣預報的話，黎緊星期二（29日）開始落雪，晚上預計更會有多達15cm 的雪。對大部份剛來溫哥華的街坊來講，落大雪似乎係好遙遠的事，不過不要看輕落雪這回事，因為落雪其實唔係講玩的。
雖然溫哥華好少會好似在我們東邊的任何一個省份咁閒閒地零下十多廿十度，落雪出街裝備不足係好難生存的。我相信大家來加拿大都第一時間已經買了大褸，所以小編唔打算詳細講。我選大褸的要點係，一定要輕及不臃腫為主，因為你可能要著住幾粒鐘，褸重係好辛苦的。
褸之外，冬天保暖最重要係保護頸部及耳朵，頸因為有很多重要血管流經，頸部好好覆蓋就可以令全身感到溫暖。而耳朵因為外露而敏感脆弱，所以亦要好好保護。你地如仲未買頸巾、ear muff 或保暖帽，好快d 買了。
衣服其實無乜特別，切勿穿得太厚太熱，因為室內有暖氣。
褲呢，其實你平時著的褲已經夠，雪褲係去滑雪著的，無人會出街 shopping 穿雪褲。怕冷的話可以穿多條打底褲，比如Uniqlo 的 heattech 打底褲。
落雪就唔好著波鞋了，任何波鞋都唔好，因為波鞋通常物料都會通風及透汗為主，一入了雪，雪在襪中融了變水就會好凍。雪鞋一般都應該是比較厚身有防水物料，最好是短boot 款，鞋底亦要有多坑紋，等可以咬住地面面積更多唔會易跣。有部份雪鞋更會有外加的釘底，雖然在市內遊走唔一定用得著，但有一對亦無彷。出街時，可以袋中帶定多一對襪替換，如果鞋入了雪都唔會太難受。
溫哥華通常一年都會落幾次雪，在12月及1 月係最大。落了多幾次雪，氣溫又徘徊在零度上下，路上就會積了不少不能融解的冰（我們叫黑冰，因為是融了的雪水混合了路上的灰塵而結成）。這些冰就一定要好小心，因為基本上除左有釘底的鞋會好少少之外，所有鞋都會跣。如果你有溜過冰你就會明白係咩一回事，應對方法，就只有好慢好慢咁盡量將重心放低咁行，或買一些有釘的鞋套套住鞋底，咁行路就會比較好少少 (amazon 搜尋ice cleats 就是這些東東）。
每一次落大風雪之前的一兩日一定係會好凍，係刺骨那種凍，所以你應該預料星期一及二早上會很凍，要穿多兩件衫了。
雖然年年都係咁講，但好多時本地市政府都對應對大雪呢件事係莫名其妙地無系統的，每年的第一次大雪通常交通都會亂哂籠，當然交通意外亦會多，行車速度都會減慢，而有時有些路積得很厚雪無剷雪車來，又有時剷單車徑的雪比行車路優先（落大雪又點會駕單車？）。又有時，Skytrain 露天路段路軌會因為積雪而令感應器失靈，又或者，某些大橋會因積雪墜落而關橋。所以都係嗰句，落雪要預多一倍時間在交通方面，同要經常查看新聞、Translink 及 Google Map 資訊，因為，天氣從來都是不能預測的。
至於各位有駕車的朋友，你有幾樣野一定要放在車內：剷車窗雪的掃(snow brush，一邊刮冰一邊掃雪)、解冰的玻璃水(windshield deicer) 同埋不入水的手套。Canadian Tire 一定有呢幾樣，如果無就好快d 買番來，因為一定要用。你的車的所有玻璃一定不可以積雪，所以雪掃係必用之物。而你泊車好一段時間後，車窗都可能結冰，玻璃水就可以好快融解。而手套，當然係俾你戴著掃雪啦。溫哥華未必會凍到死電池，但撻車的電池最好都要放一個（唔駛搭橋咖啦家陣），有熱量的食品如朱古力、energy bar 同水都不妨放一些在車內，話唔定你可能會需要用的。
今次講住咁多先，大家出門小心啦。
溫哥華第一回的米芝蓮
#速報 剛剛米芝蓮指南宣佈了第一次溫哥華的米芝蓮得獎名單，如果大家都愛出街食的話，個list 大體上都算合理。今次名單只有8間溫哥華市餐廳獲得 1 星，並無任何餐廳獲得2星或以上。名單只係溫哥華市內的餐廳，列治文本那比等地的餐廳並不包括在內。
個人覺得 Masayoshi 同 Published on Main 係實至名歸。St. Lawrence，Burdock & Co. 同 Barbara小編未試不過聽到很多不錯的評價，AnnaLena 及 Kissa Tanto 覺得不錯但又覺得不值 1星。全聚德，umm… 奇怪。
其實很大程度上溫哥華的餐廳都未去到 3 星的級數，所以大家繼續加油吧。
萬聖節捉鬼？
仲有幾日就Halloween 萬聖節，街坊有無諗過咩地方想去捉鬼呢？
Burnaby 的 Pumpkins After Dark 已經開了差不多一個月，在 Halloween 當日就會結束，街坊去了未呢？Pumpkins After Dark 最大特色是有6000多個手雕的南瓜燈籠。這幾日還有票賣，大家要拍握時間哦。
如果大家有興趣參加比較平民一點的節目，又不妨可以去 Commerical Drive 看看。每年 Halloween 前的一個星期六會有一個 Parade of Lost Souls，參與人士都是支授溫東的藝術工作者，所以大家可以考慮捐少少錢支援他們。Parade 的路線年年不同，不過都是會 Britannia Community Centre 附近的 Commerical Drive，想知道就在 Parade 前一兩日看官網。
其實想捉鬼捉得靜態一點的話，不少傳統老區的住戶都會想盡辦法吸引小鬼來 trick or treat，所以在街邊行下都可以見到很多極有藝術價值的 Halloween 裝飾。小編這兩張相就是在 Commerical Drive 小意大利的民居拍的，有心思又極度專業，值得特登去欣賞一下。
如果想 enjoy 鬼節又可以豐富一下本市的歷史，不妨考慮一下這個在 Gastown 行路 Tour － The Lost Souls of Gastown，等大家發掘一下本市的黑暗一面。Tour 在晚上進行，約兩小時。（其實小編自己一個夜晚行 Gastown 都驚驚地。。。）
2022-10-16 行山賞楓
感謝各位參加街坊會在10月16日在本拿比的行山活動。當日早上街坊在SFU 集合，由 Winnie 帶領大家在 Burnaby Mountain 走一個圈。我們總共有近50位街坊參加，一家大小輕輕鬆鬆兩小時就行完。
當日秋高氣爽，雖然因為山火而令到整個溫市都一片煙霧，不過亦無損大家遊玩的心情。行完之後在 SFU 內全新開幕的 Dining Commons 食自助餐午餐。
