温哥華街坊會

#文化傳承 Culture

Viewing all posts in category 文化傳承 Culture
English Conversation: Face to Face (Nov 2023)

English Conversation: Face to Face (Nov 2023)

pretix ·

Theme: Learning Canadian history via games Meeting Place: Connections Community Services’ office (110-5751 Cedarbridge Way, Richmond) (venue sponsored by Connections Community Services) ⚠️ NOTE: Enter using the red door on Lansdowne Road - 👉see directions here: Google map Event Itinerary: 1. Icebreakers and Briefing (10:30 AM - 10:45 AM) - Icebreakers to kick off the event. 2. Learning Canadian History via Games (10:45 AM - 12:25 PM) - We will play different games to get everyone speaking English while learning about some Canadian history. - The games will be played as a big group as well as smaller sub-groups. 3. Wrap-Up and Farewell (12:25 PM - 12:30 PM) 👇👇👇👇👇

閱讀更多 Read More →
尋回失落的連結

尋回失落的連結

vankaifong · 追新聞 ·

出外靠朋友。近年香港人流散各地之時，這五個字就更顯重要。不論對隻身過來讀書打工的港人來說十分重要，連對我這些來了加拿大八年的「老移民」來說也很重要。 一九年九月，我和丈夫從滿地可搬到溫哥華，在此城也算是個「新人」。除了幾個在地老朋友「指下路」，也是靠自己探索這個陌生的城市。不料沒幾個月武肺爆發，一切社交幾乎斷絕，要認識新朋友是不可能的任務。不過網絡發達，因緣際會之下竟然無心插柳創辦了「溫哥華街坊會」，一晃眼也快三年。 最初「街坊會」只是個網上討論區，幸得一些有心的舊街坊，為初到埗的新人解答各種新移民服務團體鞭長莫及的貼地資訊，例如找餐廳、理髮、修車、報稅各式各樣的生活瑣事都一應俱全，繼而在任職抵埗服務的街坊支持下，開始舉辦各種在地資訊的網上講座。新來街坊卧虎藏龍，當中有不少富經驗的專業人士，講座也因而變得多元化。疫情稍退，十多名義工投入協助籌辦第一次的周年晚會，反應極佳筵開十席，吸引了過百人參與。 看到香港人能在此地重新聚集一起，能在當中盡一分綿力凝聚這些香港人，尋回了一些在香港失落已久的人情味。 「街坊會」這個名稱雖略嫌老套，但卻是曾經成功凝聚香港鄰里的一個重要組織。港英政府在五、六十年代於各區遍地開花開設這些地區網絡，一直到了九十年代我住在井型公屋時，還是會看到鄰居互相招呼來往，閒時打幾圈麻雀。不過時至今日，大家就算同住一層樓都未必會認識，這些獨特的人情味也喪失了。所以「街坊會」的命名正是希望能重新建立起這種關係，連結大溫地區的香港人建立緊密的移民社群，以應對不同挑戰。 加拿大香港人社區向來鬆散，從前的香港人多半抱着暫住或退休的心態，除了偶爾出來抗爭，很少會參與到香港人的圈子，更遑論參與本地事務。所以我們的「傳承、接納、共融」口號，就是希望傳承香港文化、接納加拿大價值，以及融入本地社會。今次的移民潮不比往時尚有退路，我們也應加倍努力才能保持香港人的關係和身份。

閱讀更多 Read More →
香港人社區空間 10 月號

香港人社區空間 10 月號

pretix ·

👇👇👇👇👇 按此購票 香港人由細講廣東話講到大，當中很多廣東話正字✅，你又認識幾深呢❓特別是有小朋友👨‍👩‍👧‍👦的家庭，一家大細移民來到加拿大之後，可能因為少說廣東話、生活環境改變，很多口語化的粵語正字到底點樣寫💢，大人都未必識，何況小朋友，但係我們香港人是有責任守護廣東話❗️💪 所以，今次10月號香港人社區空間的客席講師張雪儀（Winnie）小姐，會傳授廣東話的正確寫法，有助我們傳承香港語言文化。如果你對張雪儀這個名字感到陌生，咁你一定不會對卡通片入面櫻桃小丸子個把聲陌生啦。無錯，個把聲就係Winnie啦。 Winnie於1993年任職自由身、配音員、配音導演、配音導師、翻譯及撰稿員。作品除了動畫外，還有中日韓🇨🇳🇯🇵🇰🇷及其他外語的電影、電視劇、教學素材等。曾配動畫人物有櫻桃小丸子、Keroro軍曹、哈姆太郎等。 小編非常期待喺呢個活動中與大家一起學習和分享，共同努力維護廣東話的獨特魅力。快啲報名參加啦！ 💬 香港人社區空間10月號 🗓️ **日期：**10月22日 (星期日) 🕙 **時間：**下午3:00 - 6:00 📍 **地點：**糖百府 (Snackshot Marpole) 7980 Granville St, Vancouver 🎫 **費用：**免費報名。糖水自費並建議最低消費$10，屆時出示會員證可享九折優惠。 🗣️ **語言：**分享以廣東話進行 流程： 活動分為兩部份： 15:00 – 16:00 廣東話正字✅分享（準時開始，請提早入場！） 16:00 – 18:00 傾計識朋友 😃😁😍🤪😎🥸🤩🥳🧐🤭 鳴謝提供場地：糖百府 Marpole

閱讀更多 Read More →
餐廳文化

餐廳文化

vankaifong · 溫尼伯楓c9 ·

全世界嘅餐廳文化都好唔同，由食材到客人嘅文化，都可以有好大嘅差別。 香港曾經可以話係全世界攞貨最方便嘅地方之一。尤其係日本嘅海鮮，每日有飛機直送到香港。距離近、交通方便、人口密度高、去貨快；新鮮度同喺Winnipeg食到嘅日本海鮮，係不可同日而言，所以大家就唔好去比喇。但係食牛扒就加拿大多數好新鮮，所以又係唔好相題並論喇。 各國客人都係千奇百趣，有好客、亦有令人「另眼相看」嘅。一般理解，所謂嘅「西客」係指冇禮貌、冇邏輯、冇教養、冇同理心、貪錢攞著數……等等。 但亦有啲，係同文化差異、原居地思考模式有關。例如某些民族嘅客人會大叫「服務員」、叫到成枱嘢食又食唔哂、但又唔會打包。我理解，可能係某啲民族觀念係：「我俾錢你賺，你就係下人，所以就要聽我講。」而叫到成枱嘢食，而且只係食新鮮嘢，就可能係想話俾人聽我係非常豪爽，唔好當我係窮人、睇小我。 但喺北美一般嘅餐廳文化，你係唔會見到呢啲情況發生。 首先，喺北美你會見到服務員同客人有講有笑，互相交流。階級觀念相對某些地方弱。 呢個同北美嘅家教、價值觀都有關係。北美父母會鼓勵屋企少年人去餐廳、零售兼職，籍此親身體驗生活、學習待人處世、體會用自己手賺錢嘅滿足感同辛苦之處。所以好多人大個咗，對前線服務人員，都會有多啲同理心，因為自己都捱過。亦有小部份係已經生活無憂，志在有啲世藝，搵人吹水。加上喺學校，都教要尊重唔同嘅人。所以服務你嗰位真係乜背景都有，隨時可能係某大人物嘅仔女、老婆、親戚、好友。以禮相待，係尊重。亦無謂山水有相逢，公司夏天BBQ、聖誕派對咁啱撞到囉喎，就真係尷尬癌喇。 另外，北美餐飲業嘅前線營運模式亦同家鄉未必一樣。唔同人有唔同嘅崗位。門口帶位嘅係Host / Hostess ，但佢唔係你嘅服務員。主要負責執枱、擺枱、有時吓斟水、抹吓杯嘅係Busser / Bus person / Bus boy，佢都唔係你嘅服務員。 主要招呼你嘅係Server（Waiter/ Waitress) 。呢度每個Server會有自己要睇嘅枱，而未必係睇哂全場，多數係睇一個section。通常佢哋會先介紹自己。話俾你知佢今日會serve你，介紹今日有乜嘢Special ，問你飲乜（有啲地方有無限添飲汽水、咖啡，亦可以問清楚）。返嚟俾飲品你時，再去問你係唔係可以叫餐。有乜嘢唔食（例如荽茜、辣）、食物敏感亦係呢個時候講清楚。 正常情況下，客人會耐性去等佢哋自己張枱嘅Server回來再點餐、加水、埋單等等。係唔會好似遇溺係咁求救或者好似睇演唱會咁揮手。需要幫忙就等server經過問、以眼神接觸或係佢望過嚟時，輕輕舉手示意。 你隔離張枱好大機會係第二個server睇嘅，佢亦唔會太知你叫咗咩。所以如果有乜嘢要求，你就算搵第二個Server / Host / Bus Person，佢最後都係搵番你張枱嘅Server。如果乜都唔理、隨便叫人，其實係會費時失事。(亦因為北美的貼士文化，如果第二個人招呼你，要嗎要同其他人分貼士、或其他人招呼不周自己被扣貼士。所以都係盡量搵翻自己嗰枱Server均真啲。） 一般餐廳，北美客人亦普遍會打包佢哋食唔哂嘅食物。唔係錢嘅問題、係因為佢哋明白食物嘅重要，唔想浪費食物。其他人亦唔會覺得打包係寒酸，睇唔起人。反而如果叫得過份多，食唔曬，留低要倒，更容易令人反感。 至於喺北美俾貼士方面，疫情前最少10% （編按：溫哥華疫情前大都已經係俾15%），疫情加通脹後一般都俾15%。招呼唔錯、要求多嘅可以俾大概18-20%，有飲酒又可以俾多啲。如果非常周到又滿足哂你所有要求，就又可以俾多啲。你食得開心，又可以令其他人都開心。 對於北美以外人士（不單亞洲人，亦包括歐洲、澳洲人），有人會覺得俾貼士係浪費金錢、唔值、原居地冇貼士呢樣嘢、或者只係俾小小散紙當貼士。但北美文化係唔同。Server或Bartender 做得正路，但你唔俾貼士，佢哋會覺得好怪。「點解呢枱問乜個客都話好，但係冇貼士嘅? 」甚至覺得個客唔係幾尊重佢哋，殷勤努力但無回報。 因為實際上，對於很多服務員，貼士係佢哋主要嘅收入來源。可能有幾日多客、多貼士，之後有幾日好靜，貼士又唔多。所謂 「好天斬柴落雨燒」，正正可以形容餐飲業前線員工嘅寫照。（一定有人會話，咁應該餐廳加人工咪得。但係呢個貼士文化係全北美。餐廳加人工就要加價，一般顧客唔知就係睇餐牌價，覺得貴就會幫襯第二間。顧客亦寧願有得揀俾10%，多於一定要俾18%。改變一個洲嘅文化，唔係一件咁簡單嘅事。） “Gratuity” 呢個字喺香港可能好少見，但喺北美三五成群到餐廳食嘢或者為訂大枱，就可能會見到“Gratuity”。Gratuity亦係貼士，以%計算，例如18%。但同一般沒有明文規定嘅貼士唔同，Gratuity係會喺張餐牌或單上註明，係一定要俾嘅。原因係餐廳需要協調人手去服務一張大枱，無論樓面或廚房，都要配合整個出餐過程，務求所有服務都可以一氣呵成，令客人可以同時用餐。付出多咗，便要落實有相應回報保證。 至於香港常見嘅Service Charge，我喺Winnipeg就好少見有餐廳收。服務費又唔同貼士：服務費係公司收嘅，未必會分俾員工。常見於酒店、非常高級餐廳或者一啲「特色食肆」。服務費對香港人嚟講應該唔會陌生，所以我都唔講太多。 去到一個新地方，除左去旅遊景點同博物館吸收當地文化外；到當地餐廳用膳，亦都係一個好好嘅選擇。除左可以品嘗當地菜式，亦可以貼地感受當地人用餐嘅文化。而且可能可以同本地薑有一個好好溝通嘅機會，所以我就好鍾意出街食飯…… 當然… 我唔想煮同洗大餅，都係真嘅~~ 圖片來源： https://www.pexels.com/…/blur-breakfast-chef-cooking…/

閱讀更多 Read More →
談接納

談接納

vankaifong ·

【by 街坊甲】加拿大一向喺人權方面非常進步，係一個包容所有人嘅國家。呢兩年對得香港移民多，好在絕大部份接觸嘅街坊都好接納，有好多黎參加各種活動嘅同志伴侶亦好似我哋咁，大大方方人前人後都拖住手仔，唔會好似喺香港要諸多顧忌。 不過啦，一樣米養百樣人，總會遇上一啲奇芭，以下係街坊甲嘅少少經驗： 華人教會非常保守：有人退會仲寄經文畀我（大家應知邊兩段）叫我快啲悔改 老一輩男同志問我：咦你個街坊會唔係得自己人？咁我唔入黎啦 bye bye 三十好幾男同志話：唔想嘥錢喺你哋啲活動，我淨係鍾意群埋啲廿零碎同志玩 黎到加拿大，仲仍然信香港果套神嘅教誨，其實有無睇到周圍啲教會貼晒彩虹貼紙？同志自己都唔係磨菇嘅，既然多數人都接受不同性向，點解仲要自己獨處一隅唔肯入世？作為同志，既然唔想人地歧視，自己又有 N 種形式嘅歧視，只係喺度自打嘴巴，亦絕對唔係街坊會應有嘅精神。 所以我都好想重申下，街坊會既然有「傳承、接納、共融」呢個口號，接受得加拿大價值，我哋會繼續接受所有不同性向、不同性別、不同年齡嘅香港人，亦好希望來年能夠帶街坊參與各種性向嘅活動，令大家可以有一個認識對方嘅機會。

閱讀更多 Read More →
《正義迴廊》影評

《正義迴廊》影評

vankaifong ·

多謝 ILLUME Films 邀請出席《正義迴廊》優先場！優質的港產片絕對需要大家進場支持，今日就可以在Richmond Silvercity或Marine Gateway Cineplex欣賞到 當日出席的街坊都表示，《正義迴廊》是大家都不能錯過的一部電影！ 街坊Tommy與Christy：《正義迴廊》節奏明快，劇情真實，演員演技精湛，加上電影利用剪接方式往返法庭和案發現場，觀眾更易投入，同時讓觀眾思考何謂真相。值得推介！支持香港電影 小編S與A：本片探討法律是否可以彰顯公義，看似深奧的題材卻又絕無冷場，拍攝手法令你彷彿親臨其境，每個角色都描繪得十分立體，加上演員高超演技，兩位小編都看得很投入，尤其蝦頭那一幕令人揪心 街坊Willis：正義迴廊係近年其中一部出色嘅香港電影之一，無論佢嘅敘事手法、場面調度、剪接都處理得好精彩好聰明，劇情緊湊，沒有尷尬嘅解釋性對話，對於社會議題既呈現恰到好處，最後一幕更加係令人有一種意猶未盡，想睇落去嘅感覺。 觀影過程令我諗起杜琪峰同韋家輝執導嘅《神探》 / 英劇 – Sherlock Holmes, 如果對題材有興趣嘅就更加一定要入場睇！ 要繼續支持好嘅香港電影！ 街坊Anita：我好耐冇睇港產片，今次睇《正義迴廊》嘅感覺比一般嘅商業片好唔同，做到引導觀眾去從唔同嘅角度去觀察及思考，選角也做得好好，尤其係唐文奇的角色，麥沛東演繹得非常好，我俾4.2/5 街坊Rita：終於嘅溫哥華睇到部超水準嘅港產片, 非一般演譯嘅法庭內容劇情,最欣賞佢嘅剪接技巧, 演員個個表現出色, 情節緊湊, 勁正！ 街坊一致好評 一齊入場支持《正義迴廊》，支持香港電影

閱讀更多 Read More →
萬聖節捉鬼？

萬聖節捉鬼？

小譚 ·

仲有幾日就Halloween 萬聖節，街坊有無諗過咩地方想去捉鬼呢？ Burnaby 的 Pumpkins After Dark 已經開了差不多一個月，在 Halloween 當日就會結束，街坊去了未呢？Pumpkins After Dark 最大特色是有6000多個手雕的南瓜燈籠。這幾日還有票賣，大家要拍握時間哦。 Pumpkins After Dark Burnaby 如果大家有興趣參加比較平民一點的節目，又不妨可以去 Commerical Drive 看看。每年 Halloween 前的一個星期六會有一個 Parade of Lost Souls，參與人士都是支授溫東的藝術工作者，所以大家可以考慮捐少少錢支援他們。Parade 的路線年年不同，不過都是會 Britannia Community Centre 附近的 Commerical Drive，想知道就在 Parade 前一兩日看官網。 Parade of Lost Souls 其實想捉鬼捉得靜態一點的話，不少傳統老區的住戶都會想盡辦法吸引小鬼來 trick or treat，所以在街邊行下都可以見到很多極有藝術價值的 Halloween 裝飾。小編這兩張相就是在 Commerical Drive 小意大利的民居拍的，有心思又極度專業，值得特登去欣賞一下。 如果想 enjoy 鬼節又可以豐富一下本市的歷史，不妨考慮一下這個在 Gastown 行路 Tour － The Lost Souls of Gastown，等大家發掘一下本市的黑暗一面。Tour 在晚上進行，約兩小時。（其實小編自己一個夜晚行 Gastown 都驚驚地。。。）

閱讀更多 Read More →
萬聖節活動Pumpkins After Dark!

萬聖節活動Pumpkins After Dark!

小譚 · hkcanfun2.0 ·

🍂秋天轉眼間嚟到 人在異地除咗諗起秋風起、三🐍肥 係外國地方仲會諗起萬聖節🧛🏾‍♂️🧛🏻‍♀️🧟‍♀️ 話說上年萬聖節 #C妹 同 #矇小 仲走咗去Port Coquitlam拍片📷 個度有一戶人將自己屋企前園佈置得好有氣氛🎊🎊🎊 仲有啲機關彈啲公仔嚇你一跳 好多人都慕名去睇👀👀 諗起都幾好笑 不過想感受萬聖節氣氛唔洗去咁遠嘅 今年係Burnaby舉行Pumpkins After Dark 🦖🌙⚰️ 呢個係加拿大出名嘅萬聖節活動 今年有6,000幾個手工雕刻南瓜 配上燈光裝飾、音樂、聲音同特殊效果 係公園夜行慢步感受又唔一樣 大大聲講你哋知📣 入面仲有經典萬聖節人物、電影角色等住大家發掘 Pumpkins After Dark @pumpkinsafterdarkburnaby 日期：22/9-31/10 時間：6:30p.m.-10:30p.m.（每日有少許不同，以官網為準） 門票：成人（17歲以上）CAD21.95；青少年（4-16歲）CAD17.95；家庭套票（2大2小）CAD74.80 地址：Swangard Stadium & Central Park, 6100 Boundary Rd, Burnaby, BC V5S 3R2 購票網址：https://pumpkinsafterdark.com/burnaby/ 小編C妹💕💕💕 💬Follow我哋好玩好買👉🏻 #hkcanplay 本拿比介紹👉🏻 #hkcanfunBurnaby 記住Like👍🏻Comment💬DM同Share支持 @hkcanfun2.0

閱讀更多 Read More →
溫哥華國際電影節: 四套必睇電影！

溫哥華國際電影節: 四套必睇電影！

vankaifong · hkcanfun2.0 ·

【VIFF：我TIP4部最期待電影】🍿 Vancouver作為毗鄰Hollywood嘅一大廉價 拍攝／後期／星探 聖地⋯⋯(又稱北方荷里活) 其實呢度同電影嘅連繫都好強 包括取景嘅地方 i.e. DEADPOOL全套、XMEN係讀UBC、 The Interview (炸爆金正恩嗰套)、 超人 Man of Steel、 仲有格雷系列啦（唔知邊啲場景先係） ⋯⋯ 所以造就出電影／後製／動畫學院 咁受加拿大小朋友歡迎 而今次同大家介紹電影節 係溫哥華地區一大電影年度盛事 活動會橫跨整個加拿大不同放映中心 上映不由不同國家、大大小小Production團隊拍攝嘅好戲 因為#矇小 打開佢個Website 見到有16頁 我當然唔會逐套同大家介紹 而我又唔鍾意睇戲前睇預告的關係 我喺度Tip 四套我認VIFF必看電影畀大家 介紹電影稍後放Comment session 想一齊睇嘅記得inbox我哋或CM啦 《The Whale》 《Septet: The Story of Hong Kong （七人樂隊》 《分手的決心Decision to Leave（韓）》 《孩子轉運站Broker（韓）》 呢4套係#矇小 必睇㗎啦 差在最抵睇睇法 一定係買Festival Ticket Packs 如果你想之後常常參與VIFF活動 可以買返個VIFF+ 會然 而正價 6 Ticket Pack 為CAD84 CAD 14 一套 有高級睇premiere 享受 點忍心唔睇多幾套？ 【Vancouver International Film Festival】 日期： 9月29日 – 10月9日 時間：參考場次 地點：參考場次 價錢：CAD17/場 CAD84/6場 （非會員） 網址：https://viff.org/ （Google “VIFF” 亦可） #矇着眼小編 🙈

閱讀更多 Read More →
BC的大麻和可卡因

BC的大麻和可卡因

lennoxleung ·

特約轉載 《BC的大麻和可卡因》（長文） 最近BC省推行為期三年的試驗措施，將好幾種毒品的少量存有除罪化。例如身上藏有2.5g或以下的可卡因，K仔 （還有幾種我不懂的），警察若在個人身上搜出將不會檢控。這個措施在北美洲成為首例，遠至英國和歐洲亦成為國際新聞。 多年以來，加拿大藥品管制在思想上的前衛可謂領先全球。例如大麻合法化影響所及，過去一兩年美國不同州份都開始逐漸放寬對大麻的管制。又例如毒品安全屋（由政府資助，義工參與，提供安全針筒，甚至安全毒品劑量的毒品注射場所）更被部份北歐國家參考仿效。 不過由大麻開始，本地華人社區對政府推行的毒品政策無不恨之入骨，認為是推廣毒品，教壞細路，破壞社區秩序安寧，林林種種，一言難盡。如果要選華人對自由黨杜魯多政府最不滿意的政策之一，大麻及毒品政策必入三甲。 今次除罪化這個措施已經醞釀一段時間，本地華人媒體和族群領袖群情洶湧，紛紛在諮詢時表達對政策的不滿。我以為這個前衛的政策不會實行，怎麼知道卻真的成事。 政府推行這個政策的原因，在我們傳統的理解來說是相當難以明白的。政府的原因是，因為濫毒致死的個案不斷增加，對濫毒者施以刑責只會令他們要依賴不安全的毒品，以及拒絕求或者接受醫療援助。濫毒是一個健康衛生問題，以定罪來處理並不能夠解決。所以希望透過這個措施讓更多濫毒者能夠接受援助和治療，減低死亡數字。 我們傳統的概念，癮君子都是自甘墮落，是社會的渣滓。吸毒是罪行，癮君子都是死不足惜。若果想要自救就應該要戒毒，無論以任何形式對毒品都是絕對零容忍。所以政府的說辭，對保有傳統觀念的人來說就簡直是莫名其妙。 不過，或許很多觀念都應該要隨著時間重新審視。正如現在大家對精神病患有更多了解，才明白精神病患是病症，需要醫療的細心幫助，並非患者憑個人的意志能夠改善情況。而毒品都是精神科藥品，以現代的理解，毒品成癮者要靠個人意志戒毒是非常困難。由此路進，先會有今日加拿大政府對毒品的各樣新措施。 我知道我現在這樣說一定會惹來不少譴責。但其實觸發我寫這篇文章的原因，並不是本省的新措施，而是我在《報導者》podcast上聽到台灣在大麻合法化這個進程中遇到的各種考慮。50分鐘的內容非常深入，而且帶出各種問題和觀點，更有與傳統華人文化中對於毒品的忌諱的各種考量，非常發人深省。希望大家能夠花一點時間聆聽這個節目，至少不會還未理解正反雙方的意見，一聽到大麻和毒品就反對。 《我們說的大麻到底是什麼》 https://player.soundon.fm/p/c1f1f3c9-8d28-42ad-9f1c-908018b8d9fc/episodes/968f5fe8-59e5-456c-9b59-23b9f9c8e2c0 聽到台灣在立法方面的重重困難，最打動到我的是節目中的來賓台灣大學公共衛生學院助理教授陳良妤的話：“管理精神科藥品，完全禁制就是行政立法方面最簡單便宜的做法。要有法規管理就需要經過長年纍月的法規和準備。像加拿大，在這條路上已經走了很多年，台灣卻還在起步，仍然有很長的路要走。”從另一個角度看，加拿大的法制和人文社會是一直努力地走在前方。 一位以前在香港做傳媒，現在已經身在英國的朋友問我，對於加拿大相當左的意識型態能否習慣。我說，現在對於左偏的理解是比較大愛包容的一種態度，若果不接受，根本就不應該來到加拿大。有些概念或許對某些人來說一開始真的有點難以接受，但是在加拿大能夠開放討論的這個社會，不正是我們所希望的社會形態嗎？當香港的法制大幅倒退，人文社會被消滅的時候，我們更要對加拿大的法制和文化有更深的理解，甚至更珍惜這一片天地。 以下兩篇都是非常有意思的延伸閱讀，希望大家也能參考： 英國衛報報導： https://www.theguardian.com/world/2022/may/31/canada-decriminalize-drugs-british-columbia-overdoses#amp_tf=From%20%251$s&aoh=16541445857461&referrer=https://www.google.com&ampshare=https://www.theguardian.com/world/2022/may/31/canada-decriminalize-drugs-british-columbia-overdoses 台灣《報導者》對大麻合法化的探討： https://www.twreporter.org/a/cannabis-for-medical-use-usa-experience 原文 (連結已失效 / Link no longer available)

閱讀更多 Read More →